चोपडा (प्रतिनिधी) येथील पंकज शैक्षणिक व सामाजिक संस्था संचलित बाल संस्कार केंद्र येथे गुरुपौर्णिमा उत्साहात साजरी करण्यात आली. प्रथमतः श्री दत्तप्रभू च्या प्रतिमेला माल्यअर्पण करून गुरु पौर्णिमेला सुरुवात करण्यात आली. यावेळी श्री दत्तगुरुच्या प्रतिमेचे पूजन कसे करावे? याबाबत प्रत्यक्षात बाळगोपालांना पूजन करून दाखविण्यात आले.
यावेळी गुरु पौर्णिमेच्या महत्व बालगोपाळांमध्ये रुजवावे, यासाठी गुरु शिष्यांची कथा सांगण्यात आली. जीवनात गुरूंचे महत्त्व किती आहे हे या कथेतून मुलांच्या हृदयात बिंबवण्याचा प्रयत्न झाला. तदनंतर श्री दत्तगुरूंची आरती व नामस्मरणच्या जप सर्व बालगोपाळांकडून करून घेण्यात आला. यावेळी लहान लहान बालकांनी आनंदात जप केला. यामुळे शाळेच्या प्रांगणात एक वेगळेच वातावरण निर्माण झाले होते.
यावेळी कथा ऐकण्यात बाळगोपालांना आनंद होत होता. गुरुपौर्णिमेच्या महत्व बाळगोपालांना कथेद्वारे आवडले. बाल संस्कार केंद्र केंद्राच्या मुख्याध्यापिका रेखा पाटील यांनी ही गोष्ट सांगितली. विशेष म्हणजे बाळगोपालांना त्या गोष्टीचे महत्वही कळेल अशा साध्या आणि सोप्या भाषेत त्यांनी ही गोष्ट सांगितली. कार्यक्रमात सर्व शिक्षक वृंद कर्मचारी आदि उपस्थित होते व सर्व महिला शिक्षकांच्या मेहनतीने कार्यक्रम उत्साहात साजरा करण्यात आला. सुंदर नियोजन व कार्यक्रमाचे आखणी केल्याने सर्व महिला शिक्षकांचे पंकज शैक्षणिक व सामाजिक संस्थाचे चेअरमन डॉ. सुरेश बोरोले, पंकज बोरोले तसेच या संस्थेचे हेड प्रा.एम व्ही पाटील यांनी कौतुक केले.
