भुसावळ (प्रतिनिधी) नर्मदा परिक्रमा यशस्वीपणे पूर्ण करणारे राज्यातील प्रथम आयएमए सदस्य तथा ख्यातनाम नेत्रतज्ज्ञ डॉ. नि. तु. पाटील यांचा कोल्हापूर याठिकाणी महाराष्ट्र नेत्र संघटनाच्या वतीने सत्कार करण्यात आला.
डॉ. नि. तु. पाटील यांनी अतिशय खडतर समजली जाणारी नर्मदा परिक्रमा ही यशस्वीपणे पूर्ण केली आहे. अशी कामगिरी पार पाडणारे ते राज्यातील प्रथम वैद्यकीय व्यावसायिक ठरले असून राज्य आयएएमने याला प्रमाणित केले आहे. तसेच संपूर्ण महाराष्ट्रामधून हे पहिलेच नेत्रतज्ञ आहेत ज्यांनी सलग 108 दिवस पायी पायी चालत 3609 किलोमीटर अंतर पार करत परिक्रमा पूर्ण केली आहे.या कामगिरीची दखल घेऊन त्यांचा ठिकठिकाणच्या इंडियन मेडिकल असोसिएशनच्या शाखांच्या मार्फत गौरव करण्यात येत आहे.
या अनुषंगाने महाराष्ट्र नेत्र संघटना,(Maharashtra Ophthalmology Society)तर्फे आयोजित 43व्या वार्षिक कॉन्फरन्स मध्ये कोल्हापूर शाखेतर्फे त्यांचा शनिवारी हृद्य सत्कार डॉ. जीवन टीतीयल,नवी दिल्ली यांच्या शुभ हस्ते करण्यात आला. यावेळी कॉन्फरन्स आयोजक डॉ.संजय घोटाणे, डॉ. संजय रसाळ, डॉ.अभिजीत टागरे,डॉ. चेतन खरखांडे, डॉ.महेश दळवी, डॉ. मंदार जोगळेकर, डॉ.अनिकेत पाटील,डॉ. श्रद्धा नाईक सोबतच महाराष्ट्र नेत्र संघटनेचेचे मुख्य सल्लागार पद्मश्री डॉ. टी. पी. लहाने, अध्यक्ष डॉ.संतोष भिडे, सचिव डॉ.अनघा हरूर,आदी उपस्थित होते.
महाराष्ट्र नेत्र संघटनेद्वारे झालेला हा सत्कार नक्कीच आणखी काही नवीन करण्याची उमेद जागवत जबाबदारीची जाणीव करून देणारा आहे.
-डॉ. नितु पाटील
