जळगाव (प्रतिनिधी) एका १४ वर्षीय अल्पवयीन मुलीला गुंगीचे औषध देवून अत्याचार केल्याची संतापजनक घटना उघडकीस आली आहे. याप्रकरणी साबीर शेख जहूर याच्याविरुद्ध गुन्हा दाखल करत त्याला अटक करण्यात आली आहे.
यासंदर्भात अधिक असे की, जळगाव तालुक्यातील एका गावात राहणारी १४ वर्षीय अल्पवयीन मुलीची गावातील संशयित आरोपी साबीर शेख जहूर (वय-२६) सोबत ओळख होती. याचा गैरफायदा घेत १ ऑगस्ट २०२१ ते ३० सप्टेंबर २०२१ दरम्यान साबीर शेख याने अल्पवयीन मुलीला त्याच्या घरी बोलावून पाण्यात गुंगीचे औषध दिले. त्यानंतर तिच्यावर वारंवार अत्याचार केला. हा प्रकार सहन न झाल्याने अल्पवयीन मुलीने आपल्या नातेवाईकांसह एमआयडीसी पोलीसात धाव घेतली. अल्पवयीन मुलीच्या फिर्यादीवरून संशयित आरोपी साबीर शेख जहूर याच्या विरोधात पोक्सो कायद्यांतर्गत एमआयडीसी पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक रविंद्र गिरासे करीत आहे.
