जळगाव (प्रतिनिधी) जळगाव जिल्हा सहकारी बँकेची निवडणूक वेळापत्रक जाहीर झाले आहे. यानिमित्ताने ज्या उमेदवारांना उमेदवारी करायची आहे. तसेच ज्यांची मदतीसाठी वेळ देण्याची तयारी आहे. त्यांच्यासाठी जेडीसीसी जागृत जनमंचची पहिली बैठक आज आयोजित करण्यात आली आहे.
जेडीसीसी जागृत जनमंचची पहिली बैठक सैनिक कल्याण सभागृह, महाबळ रोड, जळगाव येथे दुपारी १२ ते ३ या वेळेत आयोजित करण्यात आली आहे. शेतकऱ्यांची सहकारी बँक शेतकऱ्यांच्या ताब्यात आली पाहिजे. जे आधी संचालक होते, आहेत त्यांच्या विरोधात उमेदवार देत आहोत. जे आमदार आहेत, त्यांच्या विरोधात उमेदवार देत आहोत. उमेदवारीसाठी कंडीशन व डाक्युमेनट बाबत चर्चा होईल. मतदारांना प्रेरणा देणारा कार्यक्रम बनवला जाईल. सांप्रत संचालकांनी अतिरिक्त कर्ज उचलले. त्याबाबत उहापोह होईल. ईच्छुक उमेदवारांची किती तयारी झाली? याची माहिती घेतली जाईल. जेडीसीसी खाजगी बँक बनू नये. जेडीसीसी वर वारसाहक्क गाजवू नये. नवोदितांना संधी द्यावी. प्रस्थापितांना बिनविरोध सत्ता देऊ नये, या सर्व मुद्द्यांवर बैठकीत सविस्तर चर्चा होणार आहे.
यांची राहणार उपस्थिती
शिवराम पाटील (जळगाव), डॉ.पृथ्वीराज पाटील (पारोळा), डॉ.रवींद्र पाटील (चोपडा), डॉ.सरोज पाटील (धरणगाव), ईश्वर मोरे, निलकंठ पाटील (पाचोरा), प्रशांत चौधरी (रावेर), एन.जे.पाटील (जळगाव), नितीन चौधरी (खिरोदा), संतोष पाटील (अमळनेर), प्रफुल्ल पाटील (असोदा), अनिल नाटेकर (जळगाव), अमोल कोल्हे (जळगाव), राकेश वाघ (जळगाव), अँड.भरत पाटील (जळगाव), अँड.एस.आर पाटील (जळगाव), अँड.नामदेव कोळी (जळगाव), अँड.चिंचोरे (जळगाव) आदी उपस्थित राहणार आहेत.