जळगाव प्रतिनिधी : घर बंद असल्याची संधी साधत चोरट्यांनी सैनिकाच्या घरात डल्ला मारला. त्याठिकाणाहून चोरट्यांनी ७ हजार रुपयांची रोकड चोरुन नेली. ही घटना दि. ८ रोजी मध्यरात्रीच्या सुमारास खेडी बु. येथील श्रीकृष्ण नगरात घडली. याप्रकरणी एमआयडीसी पोलीस ठाण्यात गुन्हा दाखल करण्यात आला आहे.
शहरातील खेडी बु. येथील श्रीकृष्ण नगरात योगेश जगन्नाथ भोळे (वय ३२) हे सैनिक आहे. दि. ८ रोजी त्यांचे घर बंद असल्याची संधी साधत चोरट्यांनी मध्यरात्रीच्या सुमारास घराचा कडीकोयंडा तोडून घरात प्रवेश केला. त्यानंतर घरातील गोदरेजच्या कपाटात ठेवलेली ७ हजार रुपयांची रोकड चोरुन नेली. ही घटना दि. ९ रोजी पहाटे सहा वाजेच्या सुमारास उघडकीस आली. दरम्यान, योगेश भोळे यांनी एमआयडीसी पोलीस ठाण्यात तक्रार दिली. त्यानुसार अज्ञात चोरट्याविरुद्ध गुन्हा दाखल करण्यात आला आहे. तपास पोहेकॉ रामकृष्ण पाटील हे करीत आहे.
