साकळी प्रतिनिधी । नाशिक महसूल संवर्गातील १८ तहसीलदारांच्या बदल्यांचे आदेश १ ऑक्टोबर रोजी राज्य शासनाचे उपसचिव डॉ.माधव गीर यांनी जारी केले आहेत. यावल तहसीलदार जितेंद्र कुंवर यांची जळगाव संयोगात बदली करण्यात आली असून त्यांच्या जागी नगरचे पुर्नवसन अधिकारी महेश कौतीकराव पवार यांची बदली करण्यात आली आहे.
मुक्ताईनगरचे तहसीलदार श्याम बाळासाहेब वाडकर यांची पाथर्डी , जि.अहमदनगर तहसीलदारपदी बदली करण्यात आली असून त्यांच्या जागी जळगाव नगरपालिका क्षेत्राच्या संगायो तहसीलदार श्वेता चंदनमल संचेती यांची बदली करण्यात आली आहे . नाशिक करमणूक शुल्क तहसीलदार छगन वाघ यांची चोपडा तहसीलदारपदी बदली करण्यात आली आहे .
