जळगाव (प्रतिनिधी) माजी आमदार मनीष जैन आणि धरणगावचे माजी नगराध्यक्ष ज्ञानेश्वर महाजन यांनी आज राष्ट्रवादी काँग्रेसचे नेते एकनाथराव खडसे यांची आज भेट घेतल्यामुळे राजकीय वर्तुळात एकच चर्चा सुरू झाली आहे. दरम्यान, ही सदिच्छा भेट होती, अशी प्रतिक्रिया श्री. महाजन यांनी दिली आहे.
विधान परिषद निवडणुकीत मनीष जैन यांनी स्व.निखील खडसे यांचा पराभव केल्यापासून जळगाव जिल्ह्याच्या राजकारणात एक मोठा बदल झाला होता. यातून सुरेशदादा जैन आणि खडसे यांच्यात झालेलं शत्रुत्व अवघ्या राज्याने बघितले. त्यानंतर लोकसभा निवडणुकीत मनीष जैन यांचा पराभव करून खडसे यांनी आपल्या मुलाचा पराभवाचा बदला घेतला होता. त्यावेळी त्यांच्या स्नुषा रक्षाताई खडसे या विजयी झाल्या होत्या. दरम्यान, या भेटीत नेमकी काय चर्चा झाली?, याची माहिती समोर येऊ शकली नाही. दरम्यान, या भेटीत नेमकी काय चर्चा झाली?, याची माहिती समोर येऊ शकली नाही. दरम्यान, ही सदिच्छा भेट होती. यात कोणतीही राजकीय चर्चा झाली नाही. खडसे यांनी एकजुटीने काम करण्याचे सूचना केल्या, अशी प्रतिक्रिया श्री. महाजन यांनी दिली आहे.
