चाळीसगाव (प्रतिनिधी) चाळीसगाव तालुक्यात आमदार मंगेशदादा चव्हाण यांच्या माध्यमातून सुरू असलेल्या विकास कामांच्या झंझावाताने प्रभावित होत मेहुणबारे, पोहरे तसेच घोडेगाव येथील उबाठा व राष्ट्रवादी शरद पवार गटाच्या शेकडो कार्यकर्त्यांनी आज भारतीय जनता पक्षात जाहीर प्रवेश केला.
आमदार मंगेशदादा चव्हाण चव्हाण यांच्या नेतृत्वात तालुक्यातील ग्रामीण भागात सुरु असलेल्या विकास कामांना मोठ्या पसंती दिली जात आहे. गेल्या काही दिवसात तालुक्यातील हजारो महाविकास आघाडीच्या पदाधिकारी- कार्यकर्त्यांनी भारतीय जनता पक्षात प्रवेश केला आहे. आज देखील मेहुणबारे, पोहरे तसेच घोडेगाव येथील उबाठा व राष्ट्रवादी शरद पवार गटाच्या शेकडो कार्यकर्त्यांनी आमदार मंगेशदादा चव्हाण चव्हाण यांच्या उपस्थितीत भाजपमध्ये प्रवेश केला. यावेळी आमदार मंगेशदादा चव्हाण यांनी भाजपाचा रुमाल गळ्यात टाकत सर्वांचे पक्षात स्वागत केले.
