चोपडा (प्रतिनिधी) रोटरी क्लब ऑफ चोपडातर्फे आयोजित रोटरी डिस्ट्रिक्ट ३०३० मधील रोटरी क्लबच्या सदस्यांसाठी आयोजित ‘मेंबरशिप अँड न्यू जनरेशन सेमिनार’ नुकताच उत्साहात संपन्न झाला.
येथील डॉ. सुरेशदादा पाटील महाविद्यालयाच्या सभागृहात आयोजित या सेमिनारचे उद्घाटन रोटरी डिस्ट्रिक्ट ३०३० चे माजी प्रांतपाल डॉ. आनंद झुनझुनवाला, माजी प्रांतपाल तथा फोरम लीडर रोटे. राजीव शर्मा, म. गां. ता. शिक्षण मंडळाचे अध्यक्ष ॲड. संदीप पाटील, रोटरी डिस्ट्रिक्ट ३०३० चे सह प्रांतपाल रोटे. डॉ. राहुल मयूर, सचिव रोटे. रश्मी शर्मा, रोटरी क्लब ऑफ चोपडाचे अध्यक्ष रोटे. चेतन टाटिया, सचिव रोटे. अर्पित अग्रवाल, निमंत्रक रोटे. नितीन अहिरराव, सहनिमंत्रक रोटे. नितीन जैन यांच्या हस्ते दीप प्रज्वलन व प्रतिमा पूजन करून करण्यात आले. याप्रसंगी रोटे. राजीव शर्मा ,ॲड. संदीप पाटील, रोटे. डॉ. आनंद झुनझुनवाला यांनी मार्गदर्शनपर मनोगते व्यक्त केली.
या सेमिनार मधील विविध सत्रात रोटे. राजीव शर्मा, रोटे. डॉ संदीप देशमुख, रोटे. डॉ. राहुल मयूर, रोटे. डॉ. गोविंद मंत्री, रोटे. डॉ. वैजयंती पाध्ये, रोटे. डॉ. राजेश पाटील, रोटे. लक्ष्मीकांत मणियार, रोटे. डॉ आनंद झुनझुनवाला यांनी रोटरी सदस्य नोंदणी व वाढ, रोटरी क्लबची स्थापना, सदस्यांची जाणीव जागृती या संदर्भातील विविध विषयांवर मार्गदर्शन केले. तसेच उपस्थित आणि विचारलेल्या प्रश्नांची उत्तरे देऊन शंका समाधान केले. सेमिनारचे सूत्रसंचालन रोटे. संजय बारी यांनी तर स्वागतपर भाषण रोटे. चेतन टाटिया यांनी, प्रास्ताविक रोटे. नितीन अहिरराव यांनी तसेच आभार प्रदर्शन रोटे. अर्पित अग्रवाल व रोटे. रश्मी शर्मा यांनी केले. या सेमिनारसाठी जळगाव, भुसावळ, अमळनेर, चाळीसगाव, चोपडा यासह विविध क्लब मधील रोटरी सदस्य उपस्थित होते. सेमिनारनंतर क्षेत्रभेटी अंतर्गत येथील शिवकृपा कॉटस्पिन या सूतगिरणीस भेट देऊन तेथील प्रकल्पाची माहिती घेण्यात आली.
