नवी दिल्ली (वृत्तसंस्था) गेल्या काही दिवसापासून कोरोनाच्या रुग्णात सातत्याने वाढ होत आहे. गेल्या काही दिवसांपासून दररोज होणारी ही रुग्णवाढ चिंत वाढवणारी आहे. आता गेल्या भारतात गेल्या 24 तासांत कोरोनाचे 8822 नवीन रुग्ण आढळले आहेत. त्याचबरोबर 15 जणांचा कोरोनामुळे मृत्यू झाला आहे.
गेल्या 24 तासांची आकडेवारी केंद्र सरकारने जाहीर केली असून भारतात गेल्या 24 तासांत कोरोनाचे 8822 नवीन रुग्ण आढळले आहेत. त्याचबरोबर 15 जणांचा कोरोनामुळे मृत्यू झाला आहे. या आकडेवारीनंतर, भारतात एकूण सक्रिय प्रकरणांची संख्या 53,637 वर पोहोचली आहे.
लसीकरणही वेगाने सुरू
आरोग्य मंत्रालयाच्या म्हणण्यानुसार, गेल्या 24 तासांत 5,718 लोकांना डिस्चार्ज देण्यात आला आहे. नवीन कोरोना प्रकरणांनंतर, कोरोनाच्या एकूण रुग्णांची संख्या 4,32,45,517 वर पोहोचली आहे, तर एकूण बरे झालेल्यांची संख्या 4,26,67,088 आहे. कोरोनामुळे एकूण मृत्यूंची संख्या 5,24,792 वर पोहोचली आहे. देशात लसीकरणही वेगाने सुरू आहे. आतापर्यंत एकूण 1,95,50,87,271 लसीकरण करण्यात आले आहे.
