मुंबई (वृत्तसंस्था) गेल्या आठ महिन्यांपासून मुंबईची लाईफलाइन म्हणून ओळखली जाणारी लोकल ट्रेन बंद आहे. सध्या अत्यावश्यक सेवेत काम करणाऱ्यांसह इतर काही लोकांनाच मुंबई लोकलमधून प्रवास करण्याची परवानगी देण्यात आली आहे. परंतू आता मुंबई लोकल सर्वांसाठी सुरु करण्याचा निर्णय येत्या काही दिवसांत घेण्यात येणार आहे, असे ट्वीट मदत आणि पुनर्वसन मंत्री विजय वडेट्टीवार यांनी केले आहे.
सर्वांसाठी मुंबई लोकल सुरु करण्याचा निर्णय येत्या काही दिवसांत घेण्यात येणार आहे, असे ट्वीट मदत आणि पुनर्वसन मंत्री विजय वडेट्टीवार यांनी केले आहे. एका प्रवाशाने ट्वीट करत म्हटले होते की, याआधी महिलांना लोकलने प्रवास करण्याची परवानगी देण्यात आली, मग व्यावसायिक, कर्मचारी आणि सामान्य माणसांना का नाही? दिवाळी सणात प्रवास नाकारणं खूप मोठा अन्याय आहे. प्रवाशाच्या प्रश्नाला उत्तर देताना विजय वडेट्टीवार यांनी ट्वीट केले की, पुढील काही दिवसांत सर्वांसाठी लोकल सुरु करण्याचा निर्णय घेऊ. यासंबंधी चर्चा झाली असून मुंबईकरांना लवकरच दिलासा मिळणार आहे. सध्या मुंबई लोकल बंद असल्यामुळे प्रवाशांना मोठ्या समस्यांचा सामना करावा लागत आहे. अत्यावश्यक सेवेत काम करणाऱ्यांसोबतच शिक्षकांनाही लोकलमधून प्रवास करण्याची परवानगी देण्यात आली आहे. अर्थात ही परवानगी नॉन पीक अवर्स म्हणजेच, गर्दीच्या वेळी व्यतिरिक्त उरलेल्या वेळेत प्रवास करण्यासाठी परवानगी देण्यात आली आहे. सध्या मुंबई लोकल बंद असल्यामुळे प्रवाशांना मोठ्या समस्यांचा सामना करावा लागत आहे.
