बोदवड (प्रतिनिधी) स्लॅब भरणाऱ्या क्रेनची लिफ्ट अंगावर पडून एका ३७ वर्षीय तरुणाचा मृत्यू झाल्याची दुर्दैवी घटना घडली आहे. प्रकाश नारायण पालवे, असे मयत तरुणाचे नाव आहे.
शहरातील वंजारी वाड्यात घरा शेजारी सुरू असलेल्या बांधकामावर क्रेन मशीनने स्लॅब भरण्याचे काम सुरू होते. ही लिफ्ट पडून प्रकाश पालवे यांचा मृत्यू झाला. प्रकाश कामावरुन कपाशीची गाडी भरून घरी जेवणाला जात असताना वरून क्रेनने काँक्रीट नेणारी लिफ्ट अंगावर पडल्यामुळे प्रकाशचा मृत्यू झाला ही घटना घडली दुपारी दिड वाजेच्या सुमारास घडली.प्रकाश पालवे यांच्या पश्चात पत्नी व एक मुलगी आहे.या प्रकरणी घटनेची बोदवड पोलीस ठाण्यात नोंद झाली असून पुढील तपास रवींद्र गुरचळ करीत आहेत.
