जळगाव (प्रतिनिधी) भारतीय स्वातंत्र्यदिनाच्या ७६ व्या वर्धापन दिनानिमित्त पाणीपुरवठा व स्वच्छता मंत्री तथा पालकमंत्री गुलाबराव पाटील यांच्या हस्ते जिल्हाधिकारी कार्यालयाच्या प्रांगणात ध्वजारोहण करण्यात आले. त्या प्रसंगी पालकमंत्री गुलाबराव पाटील यांच्या हस्ते व जिल्हाधिकारी आयुष प्रसाद, व मान्यवरांच्या प्रमुख उपस्थितीत जिल्ह्यातील पीक स्पर्धेतील बक्षिसपात्र प्रगतशील शेतकरी, पूर्व उच्च माध्यमिक शिष्यवृत्ती परीक्षा इयत्ता 5 वी, पूर्व माध्यमिक शिष्यवृत्ती परीक्षा इयत्ता ८ वी राज्यस्तरीय गुणवत्ता यादीतील गुणवंत विद्यार्थी व राष्ट्रपती पदक प्राप्त पोलीस निरीक्षकांचा सत्कार करण्यात आला. यावेळी सत्काराने विद्यार्थी व शेतकरी भारावून गेल्याचे दिसून आले.
हे आहेत शिष्यवृत्तीधारक गुणवंत विद्यार्थी !
यावेळी पालकमंत्री गुलाबराव पाटील यांच्या हस्ते शिष्यवृत्ती धारक विद्यार्थ्यांचा सत्कार करण्यात आला. यामध्ये पूर्व उच्च माध्यमिक शिष्यवृत्ती परीक्षा इयत्ता 5 वीत राज्यस्तरीय गुणवत्ता यादीतील प्राज सोनवणे ( सेंट टेरेसा इंग्लिश स्कूल ,जळगाव ), कुशल अमृतकर ( डॉ. काकासाहेब पूर्णपात्रे हायस्कूल चाळीसगाव ) , कुशल माळी (शिंदे इंटरनॅशनल स्कूल) , भार्गवी जाधव (निर्मल इंटरनॅशनल स्कूल, पाचोरा) मेघा परख ( किड्स गुरुकुल इंटरनॅशनल स्कूल, सावखेडा खु. ) तसेच पूर्व माध्यमिकशिष्यवृत्ती परीक्षा इयत्ता ८ वी राज्यस्तरीय गुणवत्ता यादीतील प्रसन्ना चौधरी (सेंट मेरी इंग्लिश मेडियम स्कूल, मंगरूळ) , जिश्नु चौधरी ( सेंट अलायसीस हास्कुल , भुसावळ ) , स्वरूप शिंदे ( न्यू इंग्लिश मेडियम स्कूल) या विद्यार्थी-विद्यार्थींनीचा सत्कार करण्यात आला. जिल्हा परिषद शाळा विकासाचा सोळा कलमी कार्यक्रम व बाला कार्यक्रमांतर्गत उत्कृष्ट काम करणाऱ्या भुसावळ तालुक्यातील किन्ही जिल्हा परिषद शाळेचाही पालकमंत्री गुलाबराव पाटील यांच्या हस्ते यावेळी सन्मान करण्यात आला. यावेळी शिक्षणाधिकारी विकास पाटील, शालेय व्यवस्थापन समितीचे पदाधिकारी पालक उपस्थित होते.
असे आहेत पीक स्पर्धेतील बक्षिसपात्र प्रगतशील शेतकरी !
यावेळी पालकमंत्री गुलाबराव पाटील यांच्या हस्ते खरीप व रब्बी हंगाम २०२२ मधील पीक स्पर्धेतील बक्षिसपात्र शेतकऱ्यांचा सन्मान करण्यात आला. यामध्ये गोपाल भंगाळे (कानळदा, ता.जळगाव), हर्षल बारी (शिरसोली, ता.जळगाव), सुशील महाजन (खडका, ता.भुसावळ), प्रेमसिंग बारेला (सावखेडासिम, ता.यावल), प्रमोद वाघुळदे (आमोदा, ता. यावल), ज्ञानेश्वर पाटील (गहूखेडे, ता. रावेर), अशोक पाटील (आमदगाव, ता. बोदवड), राजेंद्र परदेशी (लोहटार, ता. पाचोरा), योगेश पाटील (वाणेगाव, ता. पाचोरा), शिवाजी पाटील (शिदाड, ता. पाचोरा), किशोर पाटील (अंतुले बु. ता. धरणगाव), प्रेमचंद पाटील (चिचखेड, ता. पाचोरा), सरदार भिल( सांगवी, ता. चाळीसगाव), विजय पाटील (वाघोदे, ता.अमळनेर), मधुकर पाटील (धुळपिंप्री, पारोळा ), सुकलाल महाजन(तळई, ता. एरंडोल), संदीप देसले (चोपडा), रणछोड पाटील (आडगाव, ता.चोपडा), भरत बरहाटे (नादेंड, ता.धरणगाव) या शेतकऱ्यांचा सन्मान करण्यात आला.
राष्ट्रपती पदक प्राप्त पोलीस निरीक्षक यांचा सत्कार !
गुणवत्तापूर्ण सेवेबद्दल राष्ट्रपती पदक प्राप्त रावेर पोलीस ठाण्याचे पोलीस निरीक्षक कैलास नागरे यांचा यावेळी पालकमंत्री गुलाबराव पाटील यांच्या हस्ते विशेष सन्मान करण्यात आला. जिल्हा परिषद शाळा विकासाचा सोळा कलमी कार्यक्रम व बाला कार्यक्रमांतर्गत उत्कृष्ट काम करणाऱ्या भुसावळ तालुक्यातील किन्ही जिल्हा परिषद शाळेचा पालकमंत्री गुलाबराव पाटील यांच्याहस्ते यावेळी सन्मान करण्यात आला. जिल्हा नियोजन अधिकारी प्रतापराव पाटील यांनी दिलेल्या उत्कृष्ट सेवेकरिता त्यांच्याही यावेळी पालकमंत्र्यांच्या हस्ते गौरव करण्यात आला.
यांची होती उपस्थिती !
याप्रसंगी जिल्हाधिकारी आयुष प्रसाद,जि.प. चे मुख्य कार्यकारी अधिकारी अंकित, पोलिस अधीक्षक एम.राजकुमार, महानगर पालिका आयुक्त डॉ. विद्या गायकवाड, परीविक्षाधिन जिल्हाधिकारी अर्पीत चव्हाण, अपर जिल्हाधिकारी प्रवीण महाजन, निवासी उपजिल्हाधिकारी संजय गायकवाड, जिल्हा शिक्षणाधिकारी विकास पाटील, जिल्हा पशुसंवर्धन उपायुक्त डॉ.श्यामकांत पाटील, जिल्हा पशुसंवर्धन अधिकारी डॉ.वाहेद तडवी, जिल्हा पशु वैद्यकीय चिकित्सालयाचे सहायक आयुक्त डॉ.गणेश भांडारकर, प्रांताधिकारी महेश सुधळकर, तहसीलदार विजय बनसोडे तसेच विविध विभागाचे विभागप्रमुख तसेच इतर अधिकारी कर्मचारी उपस्थित होते.
