भुसावळ (प्रतिनिधी) आग्रा विभागामधील मथुरा स्टेशन येथे यार्ड रीमोल्डींग कामामुळे पलवल-मथुरा दरम्यान नॉन इंटरलॉकिंगचे काम केले जात असल्याने रेल्वे प्रशासनाकडून यासाठी ब्लॉक घेण्यात आला आहे. विविध दिवशी तब्बल 24 रेल्वे गाड्या अप-डाऊन मार्गावरील रद्द करण्यात आल्या आहेत. यात भुसावळ विभागातून जाणार्या-येणार्या मेल, एक्स्प्रेस गाड्या रद्द करण्यात आल्या आहेत. आग्रा विभागातील मथुरा स्टेशन येथे यार्ड रीमोल्डींग काम केले जात आहे. पलवल-मथुरा दरम्यान नॉन इंटरलॉकिंगचे काम केले जाणार असल्याने भुसावळ विभागातून धावणार्या 24 रेल्वे गाड्या रद्द करण्यात आल्या आहेत.
या 24 गाड्या झाल्या रद्द
या रद्द झालेल्या गाड्यांमध्ये 11057 दादर-अमृतसर एक्सप्रेस ही गाडी 20 जानेवारी ते 3 फेब्रुवारीपर्यंत रद्द, 11058 अमृतसर-दादर एक्सप्रेस ही गाडी 23 जानेवारी ते 6 फेब्रुवारीपर्यंत रद्द, 12147 कोल्हापूर-हजरत निजामुद्दीन एक्सप्रेस ही गाडी 30 जानेवारी रोजी रद्द, 12148 हजरत निजामुद्दीन- कोल्हापूर एक्सप्रेस ही गाडी 1 फेब्रुवारीला रद्द, 12171 लोकमान्य टिळक टर्मिनस-हरीद्वार सुपर एक्सप्रेस ही गाडी 22 जानेवारी ते 1 फेब्रुवारीपर्यंत रद्द करण्यात आली आहे. 12172 हरिद्वार-लोकमान्य टिळक टर्मिनस सुपर एक्सप्रेस ही गाडी 23 जानेवारी ते 2 फेब्रुवारीपर्यत रद्द, 12629 यशवंतपूर -हजरत निजामुद्दीन एक्सप्रेस ही गाडी 23 जानेवारी ते 1 फेब्रुवारीपर्यत रद्द, 12630 हजरत निजामुद्दीन-यशवंतपूर एक्सप्रेस ही गाडी 26 जानेवारी ते 7 फेब्रुवारीपर्यत रद्द, 12715 नांदेड-अमृतसर सचखंड एक्सप्रेस ही गाडी 21 जानेवारी ते 4 फेब्रुवारीपर्यत रद्द, 12716 अमृतसर-नांदेड सचखंड एक्सप्रेस ही गाडी 23 जानेवारी ते 6 फेब्रुवारीपर्यत रद्द, 12751 नांदेड-जम्मूतवी हमसफर एक्सप्रेस ही गाडी 26 जानेवारी आणि 2 फेब्रुवारीपर्यत रद्द, 12752 जम्मूतवी-नांदेड हमसफर एक्सप्रेस ही गाडी 26 जानेवारी आणि 4 फेब्रुवारीपर्यत रद्द, 12753 नांदेड-हजरत निजामुद्दीन संपर्कक्रांती एक्सप्रेस ही गाडी 23 आणि 30 जानेवारीपर्यत रद्द करण्यात आली आहे.
12754 हजरत निजामुद्दीन – नांदेड संपर्कक्रांती एक्सप्रेस ही गाडी 24 आणि 31 जानेवारीला रद्द केली आहे. 12781 म्हैसूर-हजरत निजामुद्दीन स्वर्ण जयंती एक्सप्रेस ही गाडी 12, 19 जानेवारी आणि 2 फेब्रुवारीला रद्द असेल. 12782 हजरत निजामुद्दीन-म्हैसूर स्वर्ण जयंती एक्सप्रेस ही गाडी 15, 22 जानेवारी आणि 5 फेब्रुवारीला रद्द, 20657 हुबळी-हजरत निजामुद्दीन एक्सप्रेस ही गाडी 12 जानेवारी ते 2 फेब्रुवारीपर्यंत रद्द, 20658 हजरत निजामुद्दीन-हुबळी एक्सप्रेस ही गाडी 14 जानेवारी ते 4 फेब्रुवारीपर्यत रद्द राहील. 22455 साईनगर शिर्डी -कालका एक्सप्रेस ही गाडी 27 जानेवारी ते 6 फेब्रुवारीपर्यंत रद्द असेल. 22456 कालका-साईनगर शिर्डी एक्सप्रेस ही गाडी 25 जानेवारी ते 4 फेब्रुवारीपर्यंत रद्द, 22685 यशवंतपूर-चंदीदगढ एक्सप्रेस ही गाडी दि. 20 जानेवारी ते 3 फेब्रुवारीपर्यत रद्द, 22686 चंदिगढ-यशवंतपूर एक्सप्रेस ही गाडी दि. 23 जानेवारी ते 6 फेब्रुवारीपर्यंत रद्द, 12405 भुसावळ-हजरत निजामुद्दीन गोंडवाना एक्सप्रेस ही गाडी 28 जानेवारी ते 6 फेब्रुवारीपर्यंत रद्द आणि 12406 हजरत निजामुद्दीन-भुसावळ गोंडवाना एक्सप्रेस ही गाडी 26 जानेवारी ते 4 फेब्रुवारीपर्यंत रद्द करण्यात आली आहे. प्रवाशांनी या रद्द गाड्यांची नोंद घ्यावी, असे आवाहन रेल्वे प्रशासनाकडून करण्यात आले आहे.
