धरणगाव (प्रतिनिधी) येथील महात्मा फुले हायस्कूलमध्ये आज ‘वाचन प्रेरणा दिवस’ मोठ्या उत्साहाने साजरा करण्यात आला.
धरणगाव तालुक्याचे गटशिक्षणाधिकारी मा. अशोकजी बिऱ्हाडे साहेब यांच्या शुभहस्ते भारताचे माजी राष्ट्रपती – थोर शास्त्रज्ञ – मिसाईल मॅन डॉ. ए.पी.जे. अब्दुल कलाम यांच्या प्रतिमेचे पूजन करण्यात आले. यानंतर शाळेच्या मुख्याध्यापिका पी.आर. सोनवणे मॅडम व शिक्षक बंधु – भगिनी व कर्मचारी वृंद यांनी देखील डॉ. ए. पी. जे. अब्दुल कलाम यांच्या प्रतिमेचे पूजन करून अभिवादन केले. याप्रसंगी धरणगावचे गटशिक्षणाधिकारीपदी अशोकजी बिऱ्हाडे साहेब यांची नियुक्ती झाली. या निमित्ताने महात्मा फुले हायस्कूल धरणगाव शाळेच्या वतीने ग्रंथप्रेमी अधिकारी अशोक बिऱ्हाडे यांचे स्वागत शाळेचे पर्यवेक्षक जे.एस.पवार यांच्या हस्ते ग्रंथ – शाल – पुष्पगुच्छ देऊन करण्यात आले. याप्रसंगी शाळेतील उपशिक्षक पी. डी.पाटील व हेमंत माळी यांनी शाळेच्या ग्रंथालयाला अनमोल ग्रंथ भेट दिली. आदरणीय अशोकजी बिऱ्हाडे साहेबांच्या हस्ते शाळेचे ग्रंथपाल गोपाल भाऊ महाजन यांनी ग्रंथ स्वीकारली. वाचन प्रेरणा दिवसाचे औचित्य साधून शाळेतील शिक्षक बंधू-भगिनी यांनी ग्रंथ वाचनाचा आनंद घेतला. याप्रसंगी शाळेतील शिक्षक बंधू – भगिनी व कर्मचारी वृंद उपस्थित होते.
