देहरादून (वृत्तसंस्था) तिहेरी तलाक विरोधात न्यायालयाचा दरवाजा ठोठावणारी सायरा बानो या पहिल्या मुस्लिम महिलेने भाजपाचे प्रदेशाध्यक्ष बंशीधर भगत यांच्या उपस्थितीत भाजपात प्रवेश केला आहे.
उत्तराखंडच्या उधमसिंह नगर जिल्ह्यात राहणारी सायरा बानो हिने भाजपाचे प्रदेशाध्यक्ष बंशीधर भगत यांच्या उपस्थितीत भाजपाची सदस्यता घेतली. सायरा बानोने तिहेरी तलाक विरोधात २३ फेब्रुवारी २०१६ मध्ये सर्वोच्च न्यायालयात ट्रिपल तलाकविरोधात याचिका दाखल केली होती. या कायदेशीर लढाईत न्यायालयाने तिहेरी तलाकवर ऐतिहासिक निर्णय दिला होता. भाजपात प्रवेश केल्यानंतर सायरा बानो हिने सांगितले की, पंतप्रधान नरेंद्र मोदी आणि भाजपाच्या विचार, नितीमुळे प्रेरित झाले आहे. मी यापुढेही महिलांना न्याय देण्यासाठी काम करणार असल्याचे सायरा बानो हिने सांगितले.
