मुक्ताईनगर (प्रतिनिधी) शेतकऱ्यांच्या (Farmer) विविध मागण्यांसाठी राष्ट्रवादीने (NCP) मुक्ताईनगर (Muktainagar) येथे आज जन आक्रोश मोर्चाचे आयोजन केले होते. यावेळी रोहिणीताई खडसे (Rohinitai Khadse) यांचे भाषण सुरू असतानाच एका शेतकऱ्याने पेट्रोल टाकून आत्मदहनाचा (Farmer-Attempted-Suicide) प्रयत्न प्रचंड खळबळ उडाली. सुदैवाने वेळीच हस्तक्षेप केल्यामुळे पुढील अनर्थ टळला.
कापसाला १५ हजार प्रती क्विंटल भाव मिळावा, केळी पिक विम्यातील जटिल अटी रद्द कराव्या, केळी उत्पादक शेतकऱ्यांना अनुदान मिळावे , अशा शेतकऱ्यांच्या विविध प्रश्नांवर राष्ट्रवादीकडून जिल्हाध्यक्ष रविंद्र पाटील, राष्ट्रवादीच्या नेत्या रोहिणीताई खडसे यांच्या नेतृत्वाखाली मुक्ताईनगर येथे आज जन आक्रोश मोर्चाचे आयोजन करण्यात आले होते. यावेळी रोहिणीताई खडसे यांनी आपल्या भाषणादरम्यान मोदी सरकारवर गॅस दरवाढीसहित विविध मुद्द्यांवरून जोरदार टीका केली. त्यांचे भाषण सुरु असतानाच एका शेतकऱ्याने अचानक पेट्रोल टाकून आत्मदहनाचा प्रयत्न केला. यावेळी उपस्थिती कार्यकर्त्यांनी वेळीस शेतकऱ्याच्या हातून पेट्रोलची कॅन हिसकावल्यामुळे पुढील अनर्थ टळला. मात्र, या प्रकारामुळे सभेत एकच खळबळ उडाली होती. दरम्यान, या शेतकऱ्याने आत्मदहनाचा प्रयत्न का केला? याबाबत अधिकची माहिती मिळू शकली नाही.
