जळगाव (प्रतिनिधी) शहरातील बळीराम पेठ भागात दुकान फोडत अज्ञात चोरट्याने ४ हजार रूपयांची रोकड लांबविल्याप्रकरणी शहर पोलीस ठाण्यात गुन्हा दाखल करण्यात आला आहे.
ठाकूरदास धरमदास कावना (वय-६२ रा. गौरी शंकर अपार्टमेंट गणेश नगर) यांचे बळीराम पेठेतील यश प्लाझा येथे सागर कार्पेट नावाचे दुकान आहे. १५ डिसेंबर रोजी रात्री ८.३० वाजता ते दुकान बंद करून गेले. दुसऱ्या दिवशी १६ डिसेंबर रोजी सकाळी १०.३० वाजता दुकानावर आले असता त्यांना दुकानाचे शटर अज्ञात चोरट्यांनी उचकविल्याचे दिसून आले. दुकानात गेल्यानंतर त्यांना गल्ल्यातील ४ हजार रूपयांची रोकड लांबविल्याचे समोर आले. याप्रकरणी ठाकूरदास कावना यांनी शहर पोलीस ठाण्यात चोरट्यांविरोधात तक्रार दाखल केली असून पुढील तपास पोहेकॉ उमेश भांडारकर करीत आहे.
