धरणगाव (प्रतिनिधी) येथील श्री स्वामी समर्थ सेवा केंद्र दि.प्र. येथे परमपूज्य गुरु माऊली आण्णासाहेब मोरे यांच्या आशीर्वाद व मार्गदर्शनाने आज गुरुवार रोजी श्रीराम नवमीनिमित्त केंद्रात आकर्षक फुलांची सजावट करण्यात आली तसेच पाळणा सजवत भगवान श्रीराम जन्मोत्सव उत्साहात साजरा करण्यात आला.
यावेळी भगवान श्रीराम यांची प्रतिमा ठेवत पूजा करण्यात आली. तसेच सकाळी 10.30 वाजता स्वामींची आरती करण्यात आली. यानंतर सामुदायिक श्री दुर्गा सप्तशती पाठ करण्यात आला व श्री प्रभू श्रीरामचंद्रांच्या जीवनाआदर्शावर मार्गदर्शन करण्यात आले. सामुदायिक श्री रामरक्षा स्तोत्र वाचनही करण्यात आले. तसेच श्री राम जय राम जय जय राम असे सामुदायिक नामस्मरण करण्यात आले.
गुरूमाऊलीच्या मार्गदर्शनाने दर महिन्याच्या शुक्ल एकादशीला सकाळी 8.30 वाजता भूपाळी आरती नंतर ते संध्याकाळी 6.00 वाजेपर्यंत अखंड दिवस भर श्री स्वामी समर्थ महाराजांच्या नामस्मरण करुन विनावादन होणार आहे, असे मार्गदर्शन करण्यात आले.
दुपारी ठीक 12.40 वाजता भगवान श्रीरामांची आरती करण्यात आली व प्रसाद वाटप करण्यात आला. यावेळी शेकडो भाविकांनी आरतीच्या व श्री राम नवमीच्या जन्मोत्सव सेवेच्या लाभ घेतला. कार्यक्रम यशस्वीतेसाठी श्री स्वामी समर्थ केंद्राच्या सर्वच सेवेकर्‍यांनी सहकार्य केले.
