जळगाव (प्रतिनिधी) निवासी उपजिल्हाधिकाऱ्यांवर प्राणघातक हल्ला करणाऱ्या वाळू माफिया विशाल उर्फ विक्की उर्फ मांडवा नामदेव सपकाळे (वय २८, रा. शंकरराव नगर), संदीप गणेश ठाकूर (वय ३०, रा. डीएनसी कॉलेज), विलास वामन कोळी (वय ३८, रा.जळगाव खुर्द, ता. जळगाव), शांताराम सुका बोरसे (वय ४५, रा. जळगाव खुर्द, ता. जळगाव), भैय्या मंगल पाटील (वय ३०, रा. चोपडा) यांच्यासह छायाबाई रमेश सकट (वय ५८, रा. राजीवगांधी नगर, जळगाव) या हातभट्टी दारु विकणाऱ्यांसह वाळूमाफियांविरुद्ध एमपीडीएतंर्गत कारवाई करण्यात आली आहे. त्यांना वर्षभरासाठी राज्यातील विविध कारागृहात स्थानबद्ध करण्यात आले आहे.
आगामी लोकसभा निवडणुकीत जिल्ह्यात कायदा व सुव्यवस्था अबाधित ठेवण्यासाठी जिल्हा प्रशासनासह पोलीस दलाकडून कठोर कारवाईचे पाऊले उचलली जात आहे. यामध्ये रेकॉर्डवरील सराईत गुन्हेगारांसह वाळू माफियांसह अवैध हातभट्टीची दारु विकणाऱ्यांविरुद्ध कारवाई केली जात आहे. दरम्यान, अवैध वाळू वाहतुक करणाऱ्यांवर कारवाई करणाऱ्या निवासी उपजिल्हाधिकारी सोपान कासार यांच्यावर हल्ला करणारा वाळूमाफिया विशाल उर्फ मांडवा सपकाळे याच्याविरुद्ध प्राणघातक हल्ला यासह वाळू चोरीचे चार गंभीर गुन्हे दाखल आहे. तसेच त्याचा साथीदार संदीप गणेश ठाकूर या वाळू माफियाविरुद्ध देखील वाळूचोरीसह तीन गंभीर गुन्हे दाखल आहे. जळगाव खुर्द येथील विलास कोळी याच्याविरुद्ध दारुबंदी कायद्यांतर्गत ९ यांच्यासह शांताराम सुका बोरसे याच्याविरुद्ध ७ या चौघांवरील कारवाईचा प्रस्ताव नशिराबाद पोलीस ठाण्याचे सहा. पोलीस निरीक्षक रामेश्वर मोताळे यांनी तर जळगाव शहरातील राजीव गांधी नगरातील छायाबाई रमेश सकट यांच्याविरुद्ध ८ यांचा प्रस्ताव रामानंद नगर पोलीस निरीक्षक राजेंद्र कुटे यांनी तर चोपडा येथील भैय्या मंगल पाटील या हातभट्टीची दारु तयार करुन विकणाऱ्यांचा प्रस्ताव चोपडा शहरचे पोलीस निरीक्षक मधुकर साळवे यांनी तयार करुन तो पोलीस अधीक्षकांकडे पाठविला होता. पोलीस अधीक्षकांनी त्याचे अवलोकन केल्यानंतर तो मंजूरीसाठी जिल्हाधिकाऱ्यांकडे दिला. त्यांनी याह सहा प्रस्तांवाना मंजूरी दिल्यानंतर त्यांवर एमपीडीएतंर्गत कारवाई करण्यात आली आहे.
राज्यातील विविध कारागृहात स्थानबद्ध
नशिराबाद पोलीस ठाण्यातंर्गत सर्वाधिक चार प्रस्तावाला मंजूरी मिळाली असून यातील विशाल मांडवा याला कोल्हापूर मध्यवर्ती कारागृहात, संदीप ठाकूर याला येरवडा मध्यवर्ती कारागृहात, विलास कोळी याला ठाणे मध्यवर्ती कारागृहात, शांताराम बोरसे याला मुंबई मध्यवर्ती कारागृहात, छायाबाई सकट हीची महिला मध्यवर्ती कारागृह अकोला येथे तर भैय्या पाटील याला नागपूर मध्यवर्ती कारागृहात स्थानबद्ध करण्यात आले आहे.
या पथकाची कारवाई
ही कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, कविता नेरकर, उपविभागीय अधिकारी डॉ. कुणाल सोनवणे, संदीप गावित, कृष्णकांत पिंगळे यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक किसन नजन पाटील त्यांचे अधिनस्त सफौ युनूस शेख इब्राहीम, सुनिल दामोदरे, जयंत चौधरी, रफिक शेख, ईश्वर पाटील यांच्यासह नशिराबाद पोलीस ठाण्याचे पोलीस निरीक्षक रामेश्वर मोताळे, पोकों प्रवीण लोहार, भरत बाविस्कर, रामानंद नगर पोलीस ठाण्याचे पोनि राजेंद्र कुटे, पोउनि कैलास दामोदर, पोहेकों संजय सपकाळे, सुशिल चौधरी, इरफान मलिक, हेमंत कळसकर, अनिल सैनानी, मपोकों अर्चना घुनावत, शिला गांगुर्डे तर चोपडा पोलीस ठाण्याचे पोनि मधुकर साळवे, सपोनि भिसे यांच्या पथकाने केली.
