जळगाव (प्रतिनिधी) जळगाव जिल्हा ग्रंथालय संघातर्फे विविध मागण्यांचे निवेदन सुप्रियाताई सुळे यांना देण्यात आले. राष्ट्रवादीच्या नेत्या सुप्रिया ताई सुळे या जळगाव जिल्हा दौऱ्यावर आले असता जळगाव जिल्हा ग्रंथालय संघातर्फे जिल्ह्याचे उपप्रमुख माजी नगराध्यक्ष पी एम पाटील यांच्या नेतृत्वाखाली हे निवेदन देण्यात आले.
यात प्रामुख्याने बारा वर्षापासून कोणत्याही प्रकारे शासन मान्य ग्रंथालयांचा दर्जा बदल करण्यात आला नाही, अनुदानात वाढ करण्यात आली नाही, नवीन ग्रंथालयांना परवानगी देण्यात आली नाही, त्यामुळे ग्रंथालयांची अवस्था अतिशय दयनीय झाली असून रोजगार हमीच्या कर्मचाऱ्या पेक्षाही कमी वेतन ग्रंथालय कर्मचाऱ्यांना मिळत (ड) वर्ग ग्रंथालयांना वर्षातून 30 हजार रुपये मानधन मिळते. एका कर्मचाऱ्याला रोज ४० रुपये मिळतात ३० हजारांमध्ये निम्मे ग्रंथालय खरेदी व निम्मे कर्मचारी पगार वाचनालयाचे भाडे वर्षातून विविध कार्यक्रमांचा खर्च टपाल खर्च फर्निचर टेबल-खुर्ची बाक दरवर्षी ऑडिट साठी लागणारे सर्व साहित्य खरेदी वर्तमानपत्रांचे बिले, मासिकांचे बिले असा विविध खर्च १५ हजार रुपयांमध्ये करावा लागतो अशी दयनीय अवस्था ग्रंथालयांची झाली आहे. कर्मचार्यांवर उपासमारीची वेळ आली आहे. बारा वर्षापासून वेळोवेळी मागणी करून सुद्धा काहीही होत नाही अशा व्यथा पी एम पाटील यांनी सुप्रियाताई सुळे यांच्या जवळ व पदाधिकाऱ्यां जवळ मांडल्या.
यासंदर्भात अजितदादा पवार यांच्याशी चर्चा करून तुमच्या प्रश्न मार्गी लावण्याचे आश्वासन सुप्रियाताई सुळे यांनी दिले. या प्रसंगी माजी पालकमंत्री गुलाबराव देवकर, पी एम पाटील, रिता ताई बाविस्कर, एस डी पाटील, जिल्हा कार्यवाह संजय पाटील, राष्ट्रवादीचे मोहन पाटील, धरणगाव तालुका प्रमुख धनराज माळी, राष्ट्रवादीचे जिल्हाप्रमुख रवींद्र भैय्या पाटील व पदाधिकारी उपस्थित होते.
