चाळीसगाव ( प्रतिनिधी ) – काल सादर झालेल्या राज्याच्या अर्थसंकल्पामध्ये चाळीसगाव मतदारसंघाच्या विकासासाठी महत्त्वपूर्ण निर्णय घेण्यात आले आहेत. मतदारसंघातील १० प्रमुख रस्त्यांच्या सुधारणा कामांसाठी तब्बल २५ कोटी रुपये, तसेच व्हीव्हीआयपी रेस्ट हाऊस स्टाफ क्वार्टर बांधकामासाठी ४ कोटी २७ लाख रुपये अशी तरतूद करण्यात आली आहे.
यासोबतच नुकतीच प्रशासकीय मान्यता मिळालेल्या चाळीसगाव येथील अतिरिक्त जिल्हा व सत्र न्यायालयाची नवीन इमारत व मा. न्यायाधीश निवासस्थानांसाठी तब्बल १५० कोटी रुपये मंजूर करण्यात आले असून वरखेडे लोंढे बॅरेज प्रकल्पासाठी ६० कोटी निधी मिळाला आहे. या सर्व कामांसाठी एकूण २३८ कोटी रुपयांची भरीव तरतूद झाल्यामुळे चाळीसगाव शहर व तालुक्याच्या पायाभूत विकासाला मोठी गती मिळणार आहे.
या विकासकामांसाठी निधी उपलब्ध करून दिल्याबद्दल आमदार मंगेश चव्हाण यांनी माननीय मुख्यमंत्री देवेंद्रजी फडणवीस, उपमुख्यमंत्री एकनाथजी शिंदे, उपमुख्यमंत्री श्रीमती सुनेत्राताई पवार, जलसंपदा मंत्री गिरीषभाऊ महाजन, पालकमंत्री गुलाबरावजी पाटील तसेच भाजपा महायुती सरकारचे आभार मानले आहेत.
चाळीसगावच्या सर्वांगीण विकासासाठी माझे प्रयत्न असेच सातत्याने सुरू राहतील असे त्यांनी यावेळी सांगितले.
मंजूर झालेली विकासकामे खालीलप्रमाणे.
१ – चाळीसगाव येथे नवीन न्यायालयीन इमारत बांधकाम करणे – १२५.३९ कोटी
२ – मा.न्यायाधीश यांच्यासाठी १६ निवासस्थाने बांधकाम करणे – २३.७० कोटी
३ – VVIP शासकीय विश्रामगृह परिसरात कर्मचारी निवासस्थाने बांधकाम करणे – ४.२७ कोटी
४ – MDR ६७ वरील तरवाडे ते दसेगाव चौफुली दरम्यान रस्ता सिमेंट कॉंक्रीटीकरण करणे – ३ कोटी
५ – नांद्रे येथील मन्याड धरणाजवळ रस्ता सुधारणा व संरक्षक भिंत बांधकाम करणे – ५ कोटी
६ – MDR ६७ वरील वाघळी व पिंपळवाढ म्हाळसा गावातील रस्ता सिमेंट कॉंक्रीटीकरण करणे – २.५ कोटी
७ – MDR ४३ मधील डोणदिगर ते पिंपरी प्रदे चौफुली रस्ता सुधारणा करणे – २.५ कोटी
८ – MDR ४३ मधील वाघळी ते वडाळा गावादरम्यान रस्ता सुधारणा करणे – २.५ कोटी
९ – MDR ४३ मधील वडाळा ते न्हावे गावादरम्यान रस्ता सुधारणा करणे – २.५ कोटी
१० – SH ३८३ वरील पिंपळगाव, आंबेहोळ व लोंजे गावातील लांबी सिमेंट कॉंक्रीटीकरण करणे – २.५ कोटी
११ – चाळीसगाव शहरातील राज्य महामार्ग लांबीतील युटीलिटी शिफ्टिंग करणे – २.५ कोटी
१२ – MDR ४३ वरील तळोदे प्रदे गावातील लांबीत रस्ता सिमेंट कॉंक्रीटीकरण करणे – २ कोटी
१३ – वरखेडे लोंढे बॅरेज प्रकल्पाचे विविध कामे – ६० कोटी
एकूण – २३८ कोटी
