धरणगाव (प्रतिनिधी) महसूलच्या पथकाला हुलकावणी देत वाळू चोरी केल्याप्रकरणी एका ट्रॅक्टर चालकाविरुद्ध धरणगाव पोलिसात गुन्हा दाखल करण्यात आला आहे.
या संदर्भात अधिक असे की, प्रविण मधुकर बेंडाळे (वय ५५, मंडळ अधिकारी साळवा भाग) हे आपल्या सहकाऱ्यांसह २९ मे रोजी सायंकाळी नांदेड फाट्याकडून जात असतांना बिना क्रमांक निळ्या रंगाच्या वाहन चालक हा पथकाला हुलकावनी देऊन ट्रॅक्टर भरधाव वेगाने घेऊन पळून गेला. ट्रॅक्टर चालक भटु रमेश सैंदाने (रा. नांदेड) यांने ३ हजार रुपये किमतीची अंदाजे १ ब्रास वाळू ट्रॅक्टरच्या ट्रालीमधे भरुन चोरी करून ट्रॅक्टरसह पळून गेला. या प्रकरणी प्रविण बेंडाळे यांच्या फिर्यादीवरून गुन्हा दाखल करण्यात आला असून पुढील तपास पो.ना. चंदुलाल सोनवणे हे करीत आहेत.
