नाथांच्या मूर्त्यांची विटंबना करणाऱ्याला कठोर शासन करा

धरणगाव प्रतिनिधी – येथील नाथभक्त परिवाराच्या वतीने नवनाथ मंदिरातील पवित्र मूर्तीच्या विटंबना प्रकरणाबाबत भारतीय संविधान व भारतीय न्याय संहिता अंतर्गत तात्काळ व कठोर कायदेशीर कारवाईसाठी अधिकृत घटनात्मक निवेदन तहसील कार्यालय व पोलीस स्टेशनला देण्यात आले.
याबाबत सविस्तर वृत्त असे की, मौजे हिंगणा, वैजापूर (ता. शेगाव) येथील नवनाथ मंदिरातील पवित्र नवनाथ मूर्तीच्या विटंबना व तोडफोड प्रकरणाबाबत भारतीय संविधानातील अनुच्छेद २५, २६, २९ व ५१- अ तसेच भारतीय न्याय संहिता, २०२३ अंतर्गत कठोर, तात्काळ व परिणामकारक कायदेशीर कारवाईसाठी अधिकृत, घटनात्मक व सार्वजनिक हिताचे निवेदन. श्री. चैतन्य नवनाथ सिद्ध आश्रम, कोळपिंप्री, जि. जळगाव चे अध्यक्ष दिनेश जिजाबराव काटे (प.पू. गुरुवर्य बालकनाथ) यांच्या वतीने तसेच अनेक नाथभक्तांच्या उपस्थितीत देण्यात आले. भारतीय संविधानाने हमी दिलेल्या धार्मिक स्वातंत्र्य, सांस्कृतिक वारसा संरक्षण, धार्मिक आचारस्वातंत्र्य व सार्वजनिक सुव्यवस्था राखण्याच्या मूलभूत अधिकार व कर्तव्यांच्या आधारे हे अत्यंत गंभीर, संवेदनशील, विधिसंगत व घटनात्मक निवेदन सादर करीत आहे.
मौजे हिंगणा, वैजापूर (ता. शेगाव) येथील नवनाथ मंदिर परिसरात दिनांक २७ व २८ जानेवारी २०२६ दरम्यान अज्ञात समाजविघातक, द्वेषप्रेरित व कटकारस्थानी व्यक्तींनी अनधिकृत, बेकायदेशीर व गुन्हेगारी हेतूने प्रवेश करून, नवनाथ संप्रदायातील अत्यंत पवित्र, ऐतिहासिक व धार्मिकदृष्ट्या पूजनीय असलेल्या मच्छिन्द्रनाथ, गोरखनाथ, कानिफनाथ, जालिंद्रनाथ, भ्रातरीनाथ, निवृत्तीनाथ, रेवणनाथ, गहिनीनाथ व चरपटीनाथ यांच्या पवित्र मूर्तीची जाणीवपूर्वक, योजनाबद्ध, अपमानास्पद, द्वेषपूर्ण व विध्वंसक स्वरूपात विटंबना व तोडफोड केली आहे.
ही घटना केवळ मालमत्तेच्या नुकसानीपुरती मर्यादित नसून भारतीय संविधानातील अनुच्छेद २५ व २६ अंतर्गत हमी दिलेल्या धार्मिक स्वातंत्र्याचा थेट व गंभीर भंग तसेच अनुच्छेद २९ अंतर्गत संरक्षित सांस्कृतिक व धार्मिक वारशाची उघड विटंबना आणि अनुच्छेद ५१- अ अंतर्गत नागरिकांच्या मूलभूत कर्तव्यांना विरोध तसेच नवनाथ संप्रदायाच्या श्रद्धा, आध्यात्मिक परंपरा व लाखो भक्तांच्या धार्मिक भावनांवर केलेला गहन आघात आहे.
सदर कृत्य भारतीय न्याय संहिता, २०२३ (BNS) अंतर्गत धार्मिक भावना दुखावणे, धार्मिक स्थळाची विटंबना, सार्वजनिक व धार्मिक मालमत्तेचे नुकसान, समाजात द्वेष व वैमनस्य पसरविणे, सार्वजनिक शांतता भंग करण्याचा प्रयत्न, तसेच कायदा व सुव्यवस्थेला गंभीर धोका निर्माण करणे या स्वरूपाचे अत्यंत गंभीर, दखलपात्र व कठोर शिक्षेस पात्र गुन्हे ठरतात.
ही घटना सार्वजनिक शांतता, सामाजिक सौहार्द, राष्ट्रीय एकात्मता व धार्मिक सलोखा यांना बाधा पोहोचविण्याची क्षमता बाळगणारी असून, ती केवळ स्थानिक नव्हे तर राज्यस्तरीय व राष्ट्रीय पातळीवर संवेदनशील व गंभीर स्वरूपाची आहे. या संदर्भात संबंधित पोलीस ठाण्यात गुन्हा नोंदविण्यात आलेला असला तरी या घटनेचे धार्मिक, सामाजिक, सांप्रदायिक व सार्वजनिक परिणाम लक्षात घेता, सदर प्रकरणाची सखोल, निष्पक्ष, उच्चस्तरीय, तांत्रिकदृष्ट्या सक्षम व कालमर्यादेत चौकशी करणे हे प्रशासनाचे घटनात्मक व कायदेशीर बंधन आहे. त्याअनुषंगाने, भारतीय संविधान, भारतीय न्याय संहिता, भारतीय नागरिक सुरक्षा संहिता व लागू कायद्यांच्या अधीन राहून खालील औपचारिक, कठोर व कायदेशीर मागण्या करण्यात येतात.
सदर प्रकरणाची तात्काळ, सखोल, निष्पक्ष व उच्चस्तरीय चौकशी करण्यात यावी. सीसीटीव्ही फुटेज, डिजिटल पुरावे, फॉरेन्सिक विश्लेषण, कॉल डिटेल्स व तांत्रिक तपास यांच्या आधारे दोषी आरोपींची त्वरित ओळख पटवून तात्काळ अटक करण्यात यावी. दोषींविरुद्ध उदाहरणार्थ व कमाल शिक्षेस पात्र कठोर कारवाई करून निर्धारित कालमर्यादत आरोपपत्र न्यायालयात सादर करण्यात यावे. तपास प्रक्रियेत कोणताही पक्षपात, राजकीय दबाव, विलंब, दुर्लक्ष किंवा अनुचित हस्तक्षेप होणार नाही, याची लेखी व प्रशासकीय खात्री देण्यात यावी. भविष्यात अशा प्रकारच्या धार्मिक विटंबना व समाजविघातक कृत्यांना आळा घालण्यासाठी धार्मिक स्थळांच्या सुरक्षेसाठी विशेष सुरक्षा उपाययोजना, नियमित पोलीस गस्त, सीसीटीव्ही सुदृढीकरण, सुरक्षा लेखापरीक्षण व स्थायी संरक्षक यंत्रणा तातडीने राबविण्यात याव्यात.
समाजात शांतता, विश्वास व कायद्यावरील आदर टिकवून ठेवण्यासाठी प्रशासनाकडून अधिकृत, पारदर्शक व वेळोवेळी कायदेशीर माहिती प्रसिद्ध करण्यात यावी यासाठी दिनेश जिजाबराव काटे (बालकनाथ), प्रशासन व न्यायव्यवस्थेवर पूर्ण विश्वास व्यक्त करीत असलो तरी, सात दिवसांच्या आत ठोस, दृश्यमान व समाधानकारक कायदेशीर प्रगती न झाल्यास, भारतीय संविधान व लागू कायद्यांच्या चौकटीत राहून न्यायालयीन, घटनात्मक, कायदेशीर व लोकशाही मार्गाने पुढील कठोर कार्यवाही करण्याचा अधिकार राखून ठेवत आहे, याची ही औपचारिक, कायदेशीर व घटनात्मक पूर्वसूचना देत आहे. हे निवेदन सार्वजनिक हित, धार्मिक स्वातंत्र्याचे संरक्षण, सांस्कृतिक वारसा जतन, सामाजिक सौहार्द टिकविणे व कायदा – सुव्यवस्था अबाधित राखण्याच्या घटनात्मक उद्देशाने सादर करण्यात येत आहे. आपणाकडून तात्काळ, कठोर, निष्पक्ष व कायद्याच्या कमाल चौकटीत परिणामकारक कारवाई अपेक्षित आहे.
वरील आशयाचे निवेदन धरणगाव तहसिलचे निवासी नायब तहसिलदार लक्ष्मणराव सातपुते तसेच पोलीस उपनिरीक्षक संतोष पवार यांना नाथभक्तांचे गुरुवर्य प.पू. बालकनाथ महाराज यांच्या हस्ते देण्यात आले. याप्रसंगी सुभाषनाना पाटील, मुरलीधर पाटील, दिलीप पाटील, गणेश सोननी, संतोष महाजन, नरेंद्र (पप्पू) महाजन, विनोद पाटील, मनिष चौधरी, योगेश महाजन, कैलास मराठे, जगन्नाथ भोई, प्रदीप चौधरी, वासुदेव माळी, जितेंद्र पाटील (महाराज), शाम पाटील, देविदास पाटील, गजानन सोनवणे, हितेश धनगर, अंकुश चव्हाण, ललित महाजन, हेमंत महाजन, अविनाश चौधरी, आनंद पाटील (पहेलवान), गणेश निकम, दिपक महाजन, पवन मराठे, दयाराम महाजन, रविंद्र पाटील, कृष्णा महाजन, गणेश जाधव, ज्ञानेश्वर जाधव, आकाश कुंवर, दिनेश पाटील, मोहीत पवार, लक्ष्मणराव पाटील, परशुराम पाटील, पंकज महाले, जयेश पाटील, शशिकांत पाटील, आनंद श्रीराम, समाधान महाजन, यशोदीप सोनवणे आदी धरणगाव तालुका व शहरातील नाथभक्त मोठ्या संख्येने उपस्थित होते. आरोपीला कठोर शासन झालंच पाहिजे या मागणीसाठी नाथभक्तांनी दिलेल्या घोषणांनी तहसिल व पोलीस स्टेशनचा परिसर दणाणून निघाला.