जळगाव (प्रतिनिधी) : शाळेत सोडण्याच्या बहाण्याने भुसावळ रोडवरील शेतात नेवून १२ वर्षीय विद्यार्थीनीवर अत्याचार केला. ही धक्कादायक घटना जानेवारी ते दि. २ मार्च पर्यंत घडली. पीडितेने घरी सांगितल्यानंतर तिच्या कुटुंबियांनी दि. ४ रोजी एमआयडीसी पोलिसात तक्रार दिली. त्यानुसार संशयीत संदीप बळीराम तायडे (वय ३५, रा. चिंचोली,. ता.जळगाव) याच्याविरुद्ध पोक्सोतंर्गत अत्याचाराचा गुन्हा दाखल करण्यात आला असून त्याला अटक करण्यात आली आहे.
तालुक्यातील एका गावात १२ वर्षीय मुलगी वास्तव्यास आहे. संशयित तरुणाने तिच्यासोबत जवळीक साधूनतिच्या बालमनाचा फायदा घेत १ जानेवारी पासून तिच्यासोबत अश्लिल वर्तन करीत तिचा विनयभंग करीत होता. त्यानंतर दि. २ मार्च रोजी त्या पीडित विद्यार्थीनीला शाळेत सोडण्याच्या बहाण्याने सोबत घेवून गेला. अजिंठा चौफुलीमार्गे भुसावळ रोडवर असलेल्या शेतात नेवून त्या अल्पवयीन मुलीवर अत्याचार केला. हा प्रकार विद्यार्थीनीने घरी सांगितल्यानंतर तिच्या कुटुंबियांनी तात्काळ एमआयडीसी पोलीसात तक्रार दिली. त्यानुसार संशयित संदीप बळीराम तायडे (वय ३५, रा. चिंचोली, ता. जळगाव) याच्याविरुद्ध गुन्हा दाखल करण्यात आला असून त्याला अटक करण्यात आली आहे. तपास महिला सपोनि माधुरी बोरसे या करीत आहे
