चोपडा (प्रतिनिधी) महात्मा गांधी शिक्षण मंडळ संचालित ऑक्सफर्ड इंग्लिश मीडियम स्कूल चोपडा येथे राष्ट्रपिता महात्मा गांधी यांच्या जयंतीनिमित्त स्वच्छता पंधरवड्याचे यशस्वी आयोजन करण्यात आले. या स्वच्छता पंधरवड्याच्या अनुषंगाने शाळेमध्ये विद्यार्थ्यांसाठी विविध कार्यक्रमांचे आयोजन करण्यात आले.
इयत्ता १ली, २ रीच्या विद्यार्थ्यांसाठी चित्रकला स्पर्धेचे आयोजन करण्यात आले. स्वच्छतेचा संदेश देणारे विविध आकर्षक चित्रे विद्यार्थ्यांनी याप्रसंगी रेखाटली. त्यासाठी त्यांना शाळेतील कलाशिक्षक देवेंद्र बारी व सोनाली देवरे यांचे मार्गदर्शन लाभले. इयत्ता ३ री व ४ थी च्या विद्यार्थ्यांसाठी निबंध स्पर्धा आयोजित करण्यात आली. शाळेतील शिक्षिका सुचिता पाटील व कीर्ति चौधरी यांनी स्वच्छता अभियान या विषयावर निबंध स्पर्धेचे यशस्वी आयोजन केले.
इयत्ता ५ वी ते ८ वीच्या विद्यार्थ्यांसाठी स्वच्छतेचा संदेश देणाऱ्या घोषवाक्य स्पर्धेचे आयोजन करण्यात आले. त्यासाठी विद्यार्थ्यांना शाळेतील शिक्षिका वैशाली गायकवाड व सुषमा पाटील यांनी मार्गदर्शन केले. इयत्ता ९वी व १०वी च्या विद्यार्थीयांनी स्वच्छतेचा संदेश देणारे पथनाट्य सादर करुन मुलांमध्ये आणि समाजामध्ये जनजागृती केली. पथनाट्याच्या माध्यमातून प्लास्टिकच्या गैरवापराचे होणारे हानिकारक परिणाम देखील विद्यार्थ्यांनी पटवून दिले. पथनाट्यासाठी विद्यार्थ्यांना उपप्राचार्य अमन पटेल आणि शाळेतील शिक्षिका दीपाली पाटील यांचे मार्गदर्शन लाभले. राष्ट्रपिता महात्मा गांधी यांच्या जयंतीनिमित्त आणि भारताचे माजी पंतप्रधान लालबहादूर शास्त्री यांच्या जयंतीनिमित्त शाळेच्या मुख्याध्यापिका ममता कपिल न्याती यांच्या हस्ते प्रतिमापूजन करण्यात आले.
याप्रसंगी शाळेतील शिक्षिका माधुरी पाटील व अश्विनी ढबू यांनी विद्यार्थ्यांना महात्मा गांधी आणि लालबहादूर शास्त्री यांच्या जीवनचरित्राविषयी सखोल मार्गदर्शन केले. कार्यक्रमाच्या यशस्वीतेसाठी शाळेच्या मुख्याध्यापिका ममता कपिल न्याती यांचे मार्गदर्शन लाभले. तसेच शाळेतील सर्व शिक्षक व शिक्षकेतर कर्मचाऱ्यांचे सहकार्य लाभले.
