धरणगाव प्रतिनिधी । उत्तर प्रदेशातील हाथरास येथील पिडीतेची केस फास्ट ट्रक कोर्टात चालवा, अशी मागणी शिवसेना महिला आघाडीने केली असून या संदर्भातील निवदेन धरणगाव पोलिस निरिक्षक व तहसीलदार यांना देण्यात आले आहे. यावेळी माजी नगराध्यक्ष उषाताई वाघ, शिवसेना महिला आघाडी जिल्हा प्रमुख महानंदा पाटील यांच्यासह महिला पदाधिकारी उपस्थित होते.
उत्तर प्रदेश मधील हाथरास जिल्ह्यातील खेडेगावात लित परीवारतील मुलीवर उच्च जातीच्या काही गुंड प्रवृत्तीच्या युवकांनी अमानुष बलात्कार केला. ते गावगुंड फक्त बलात्कार करून शांत बसले नाही तर उलट तिच्या हातापायाची हाडे तोडली जीभ कापली व गळा दाबून जीवे मारले. आज ती ह्यात नसली तरी तिने मृत्यू आधी पोलीसांना दिलेल्या जबाबात सर्व कथन केले. त्यानंतर पोलिसांनी त्या गुंड प्रवृत्तीच्या युवकांना अटक केली. पिडीत मुलगी फक्त १९ वर्ष वयाची होती. ती आपल्या शेतात गुरांना चारा देण्यासाठी जात असताना तिचा मागावर असलेल्या गुंडांनी कायद्याची भीती न बाळगता हे कृत्य केले. उत्तर प्रदेशातील योगी सरकार आणि केंद्र सरकार या बाबत गंभीर नाही, असे निवेदनात म्हटले आहे. शिवसेना जिल्हा प्रमुख गुलाबराव वाघ याचा मार्गदर्शनाने हे निवेदन सादर करत असल्याचे शिवसेना महिला आघाडी जिल्हा प्रमुख महानंदा पाटील यांनी सांगितले.
माजी नगराध्यक्ष उषाताई वाघ यांनी सुशांत आत्महत्या प्रकरणात दोषीकर कारवाईची मागणी करतात, कंगना रानावतला वाय दर्जाचे संरक्षण देतात. परंतु दलित मुलीवर बलात्कार झाला तरी 14 दिवस गुन्हा दाखल होत नाही. पिडीतेला जोपर्यंत न्याय मिळत नाहीत तोपर्यंत शिवसेना तर्फे तिव्र आंदोलनचा इशारा नगराध्यक्षा उषा वाघ यांनी दिला. यावेळी उपस्थित धरणगाव उपनगराध्यक्ष कल्पना विलास महाजन, नगरसेविका अंजली भानुदास विसावे, सुनिता लिडांयत , सुनंदा विसावे, वैशाली पवार, गंगा वाघरे, उषा वाघरे, गोरी वाघरे, आरती चडांले, रेखा वाघरे, सुनीता चौधरी, भारतीताई चौधरी, नेहा प्रकाश पाटील या महिला पदाधिकारी उपस्थित होत्या.
