जळगाव (प्रतिनिधी) जळगाव जिल्हा बुध्दिबळ संघटनेतर्फे १० व १८ वर्ष वयोगटातील मुले आणि मुलींच्या निवड चाचणी स्पर्धाचे आयोजन कांताई सभागृह जळगाव येथे करण्यात आले होते. या दोन्ही गटात मिळून सुमारे २७ मुलं आणि मुलींचा सहभाग होता. या दोघी वयोगटातुन मुले आणि मुलीं मधून प्रत्येकी दोन खेळाडूंची निवड राज्य स्पर्धेसाठी करण्यात आली आहे. १० वर्षे वयोगटातील स्पर्धा या १४ व १५ एप्रिल रोजी कोल्हापूर येथे तर १८ वर्षे वयोगटातील स्पर्धा १ ते ३ एप्रिल रोजी सांगली येथे होत आहे.
विजयी व निवड झालेल्या खेळाडूंना पारितोषिके
प्रत्येक गटातील निवड झालेल्या खेळाडूंना जिल्हा संघटनेतर्फे ट्रॉफी व पुस्तक देऊन त्यांचा गौरव करण्यात आला.
प्रमुख अतिथी
या कार्यक्रमाचे अध्यक्षस्थानी महाराष्ट्र बुध्दिबळ संघटनेचे खजिनदार तथा जळगाव जिल्हा बुध्दिबळ संघटनेचे उपाध्यक्ष फारुक शेख होते. तर प्रमुख अतिथी म्हणून संघटनेचे सचिव नंदलाल गादिया, आयुर्विमा महामंडळाचे चंद्रशेखर देशमुख, जैन स्पोर्टस अकडमी चे अरविंद देशमुख व स्पर्धेचे मुख्य पंच प्रवीण ठाकरे यांची प्रमुख उपस्थिती होती.
राज्य स्पर्धेसाठी निवड झालेले खेळाडू
दहा वर्षे वयोगट
तसीन रफिक तडवी
आरुष अक्षय सरोदे (जळगाव)
शिवराज वाघ (चाळीसगाव )
श्लोक बोरसे (जळगाव) नैतिक मुनोत, हर्षल खामकर
अठरा वर्षे वयोगट
सानिया तडवी, प्रथम
मुले प्रथम
मितेश जेठवा ,प्रथम
श्रेयस उपासनी, द्वितीय
उत्तेजनार्थ बक्षिस मिळवणारे खेळाडू
शिवराज वाघ, श्लोक बोरसे, नैतिक मुनोत, हर्षल खामकर, संस्कार पवार, जयेश सपकाळे, आयुष गुजराथी, सोहम बढे.
मनोगत
खेळाडूंना मार्गदर्शन करताना फारुक शेख यांनी जळगाव जिल्ह्यात पुढील महिन्यात राष्ट्रीय बुद्धिबळ स्पर्धेचे आयोजन करण्यात आले असून या स्पर्धेत भारत भरातून नावाजलेले खेळाडूंचा सहभाग होणार आहे. त्यामुळे या उदयोन्मुख खेळाडूंनी ८ ते १३ एप्रिल या वेळात खेळ बघण्याची संधी सोडू नये असे आवाहन केले. कार्यक्रमाचे प्रास्ताविक व सूत्रसंचालन प्रवीण ठाकरे यांनी केले तर परेश देशपांडे यांनी आभार मानले. पंच म्हणून प्रवीण ठाकरे,परेश देशपांडे, व भारत आमले यांनी काम पाहिले.