नवी दिल्ली (वृत्तसंस्था) भारतीय महिला क्रिकेटपटू शेफाली वर्माने रविवारी इतिहास रचला. वयाच्या अवघ्या १७ व्या वर्षीय शेफालीने इंग्लंडविरुद्ध एकदिवसीय सामन्यात डेब्यू केला. यासह ती क्रिकेटच्या तिन्ही फॉरमॅटमध्ये (वनडे, टेस्ट, टी-२०) सर्वात कमी वयात खेळणारी ती पहिली भारतीय खेळाडू ठरली. या प्रकरणात शेफाली ओव्हरऑल (महिला-पुरुष) क्रिकेटरमध्ये जगातील पाचवी खेळाडू आहे.
१७ वर्ष आणि १५० दिवसांच्या वयात पदार्पण करणाऱ्या शेफालीने सामन्यात १४ चेंडूत १५ धावा केल्या. अन्या श्रुब्सोलच्या हाती इंग्लंडचा गोलंदाज कॅथरिन ब्रंटने तिला झेलबाद केले. या महिन्यात शेफालीने इंग्लंडविरुद्ध कसोटी सामन्यात पदार्पण केले. तिने या सामन्याच्या दोन्ही डावांमध्ये पन्नास धावा केल्या. डेब्यू टेस्टमध्ये शेफालीने ९६ आणि ६३ धावा केल्या होत्या. ही टेस्ट ड्रॉ राहिली. यासह शेफालीही पदार्पण कसोटीत दोन अर्धशतक ठोकणारी पहिली महिला खेळाडू ठरली.
आयसीसीच्या टी -२० वर्ल्ड रँकिंगमध्ये भारतीय सलामीवीर शेफाली पहिल्या क्रमांकावर आहे. तिने आतापर्यंत २२ टी -२० आंतरराष्ट्रीय सामने खेळले असून २९.३८ च्या सरासरीने ६१७ धावा केल्या. या दरम्यान तिने ३ अर्धशतक ठोकले आणि तिची सर्वोत्तम धावसंख्या ७३ धावा होती.
