धरणगाव (प्रतिनिधी) नाशिक शहरासह जिल्हाभरात सर्वश्रुत असलेल्या सायकलवारीने नुकतेच शेगावकडे प्रस्थान केले आहे. या सायकलवारीतील भाविकांना आज पिंप्रीजवळ शिंदे गटाकडून निंबू शरबत व फळ वाटप करण्यात आले.
पंढरपूर वारीच्या धर्तीवर शेगावलाही संत गजानन महाराजांवरील श्रद्धेपोटी मागील दोन दशकांपासून अनेक जण अखंड वारी करत असतात. या सायकलवारीत पर्यावरण संवर्धन, इंधन बचत असे संदेश देण्यात येतात. आरोग्याची गुरुकिल्लीही त्यातून मिळते. या वर्षी निघालेल्या सायकल वारीत अनेक सायकल यात्रेकरू सहभागी झाले होते. आज तालुक्यातील पिंप्रीजवळ सायकलवारी आल्यावर शिंदे गटातील वाल्मिक पाटील, बुट्या पाटील, पवन महाजन, भैय्याभाऊ महाजन, विजय महाजन, किरण महाजन यांच्यासह अनेक शिवसैनिक उपस्थित होते.
