जळगाव (प्रतिनिधी) १८ डिसेंबर संपूर्ण विश्वामध्ये अल्पसंख्यांक दिन म्हणून साजरा केला जातो. भारतात सुद्धा हा दिवस साजरा केला जात असून या अल्पसंख्यांक समाजात मुस्लिम ,बौद्ध, जैन, शीख, पारशी व ख्रिश्चन या सहा धर्मांचा समावेश आहे.
जिल्हाधिकारी कार्यालयाच्या लॉन मध्ये बैठक फोरम ची स्थापना जळगाव जिल्हा मनियार बिरादरीचे अध्यक्ष फारुक शेख यांनी अल्पसंख्यांक दिनाचे औचित्य साधून सहाही धर्माचे प्रतिनिधी यांना आमंत्रित केले व सर्वांचे गुलाब पुष्प देऊन स्वागत केले. आपल्या भारतीय घटनेने दिलेल्या अधिकाराबाबत व खास करून घटनेतील २५ ते ३० कलमाची माहिती विशद करून अल्पसंख्यांक समाजाचे महत्त्व पटवून दिले. या वेळी बौद्ध समाजा चे हरिश्चंद्र सोनवणे यांनी सूचना मांडली की जळगावात अल्पसंख्यांक हक्क मंचाची स्थापना करण्यात यावी त्यांच्या या प्रस्तावास शीख समाजाचे जगजीद सिंग काबरा व मुस्लिम समाजाचे मुफ्ती हारून यांनी आमंत्रण दिले. पारसी समाजाचे जिओ दरबारी व जैन धर्माचे अजय राखेचा यांनी या फोरम च्या स्थापनेसाठी फारुक शेख यांनी पुढाकार घ्यावा असे मत मांडले व प्राथमिक स्वरूपात जळगाव मायनॉरिटी राइट्स फोरमची स्थापना झाल्याची घोषणा ख्रिश्चन समाजाचे एसली रॉस व शीख समाजा चे कमल अरोरा यांनी केली.
जिल्हाधिकारी यांना निवेदन
नव्याने स्थापन झालेल्या फोरमने निवासी उपजिल्हाधिकारी राहुल पाटील यांची भेट घेऊन त्यांना निवेदन सादर केले. सदर निवेदनात माननीय राष्ट्रपती यांना संबोधून अल्पसंख्यांक अधिकार दिवस अंतर्गत सर्व सुविधा त्यात प्रामुख्याने शैक्षणिक, आर्थिक व विकसनशील योजनाची अंमलबजावणी करण्यात यावी, ज्या अल्पसंख्यांक संस्थांना आर्थिक मदतीची गरज आहे त्यांना त्वरित सहाय्य उपलब्ध करून द्यावे, पंतप्रधान यांच्या १५ सूत्री कार्यक्रमाची अंमलबजावणी करण्यात यावी, अल्पसंख्यांक समाजातील वस्त्यांमध्ये गुणात्मक व तांत्रिक शिक्षणाची सोय उपलब्ध करून द्यावी, आरोग्य व वैद्यकीय सेवा वस्तीमध्ये उपलब्ध करून द्याव्या, झोपडपट्टी भागात दिल्ली सरकारने केलेल्या मोहल्ला क्लीनिक,पी एच सी व स्वास्थ्य केंद्र उघडायला पाहिजे, तसेच अल्पसंख्याक शाळांना दर्जा देण्याची प्रक्रिया सुलभ करण्यात यावी, अशा मागण्यांचे निवेदन पारशी समाजाचे जिओ दरबारी यांच्या हस्ते देण्यात आले .
खरे अल्पसंख्यांक अधिकार दिन समजले
निवेदन दिल्यावर उपस्थित मुफ्ती हारून नदवी, हरिश्चंद्र सोनवणे, जगदीद छाबरा, अजय राखेचा, जिओ दरबारी, कमल अरोरा, यांची समयोचित भाषणे झाली व १८ डिसेंबर अल्पसंख्यांक अधिकार दिन हा खऱ्या अर्थाने प्रथमतः साजरा करीत असल्याबद्दल आपल्या भावना व्यक्त केल्या. व लवकरच फोरम स्थापनेचे अधिकार फारूक शेख यांना देण्यात आले.
लवकरच फोरम ची अधिकृत कार्यकारिणी जाहीर होणार
नवीन वर्षात सहा धर्मीयातील तरुण, तरुणी व वयस्कर लोकांना एकत्रित करून सर्व समावेशक मायनोरीटी राईट फोरम ची सरकार दरबारी नोंदणी करून कार्यकारिणी, घटना, नियम व नियमावली घोषित करू असे फारूक शेख यांनी घोषित केले.
