नागपूर (वृत्तसंस्था) सावनेर वाकी परिसरात सहलीसाठी आलेल्या चार तरुणांचा १७ ऑगस्टला दुपारी कन्हान नदीपात्रात बुडून मृत्यू झाला होता. १८ ऑगस्टला राज्य आपत्ती प्रतिसाद दल, स्थानिक मच्छीमारांना चारपैकी एक तरुण आणि तरुणीचा मृतदेह शोधून बाहेर काढण्यात शुक्रवार मिळाले. तर दोघांचा शोध सुरूच आहे.
या घटनेत दोघांसह अर्पित पहाळे (१९) व अंकुश बघेल (१७) दोघेही रा.कामठी हे चौघे डोहात बुडाले होते, तर साक्षी कनोजे (१८ रा.पाटणकर चौक, नागपूर) व मुस्कान राणा (१८, रा. जरीपटका, नागपूर) या दोघी पाण्यात न उतरल्याने बचावल्या आहेत. जरीपटका, नागपूर व कामठी येथील सहा तरुण- तरुणी गुरुवारी दुपारी १ वाजता दोन दुचाकीने ट्रिपल सीट वाकी येथे सहलीसाठी आले होते.
ताजुद्दीन बाबा दरबारचे दर्शन करून हे सहा जण गाडीने कन्हान नदी पात्राच्या दिशेने गेले. याचवेळी अर्पितला पाण्यात पोहण्याचा मोह झाला. तो नदीपात्रात उतरला. त्यापाठोपाठ विजय, सोनिया व अंशुल पाण्यात उतरले.
अर्पित खोल पाण्यात गेला त्यामुळे तो थोड्या वेळातच दिसेनासा झाला. त्याला शोधण्यास मित्र विजय, सोनिया व अंशुल अर्पितच्या मदतीला धावले. पाण्याचा अंदाज चुकल्याने त्यांचाही बुडून मृत्यू झाला. १७ ऑगस्टपासून राज्य आपत्ती प्रतिसाद दल, स्थानिक ढीवर बांधव, खापा पोलीस ठाण्याचे अधिकारी व कर्मचाऱ्यांनी शोधमोहीम राबवली. या शोधमोहीमेत सोनिया मरसकोल्हे आणि अर्पित पहाले यांचे मृतदेह शोधून काढण्यास यश आले.
