चोपडा (प्रतिनिधी) प्रेमसंबंध ठेवले नाहीत, म्हणून अल्पवयीन तरुणीस जीवेठार मारण्यासह फोटो सोशल मीडियात व्हायरल करण्याची धमकी दिल्याप्रकरणी एका तरुणाविरुद्ध चोपडा पोलिसात विनयभंगसह विविध कलमान्वये गुन्हा दाखल करण्यात आहे. सागर दगडू पाटील (रा.चोपडा) असे अटक केलेल्या संशयित आरोपीचे नाव आहे.
या संदर्भात पिडीत मुलीने फिर्याद दिली आहे. त्यानुसार पिडीता अल्पवयीन असल्याचे माहित असतांना देखील सागर पाटील याने वेळोवेळी पाठलाग करुन तसेच पिडीत मुलीचा मोबाईल क्रमांकवर वेळोवेळी संपर्क साधायचा. पिडीत मुलीची ईच्छा नसतांना देखील सागर याने बळजबरीने प्रेमसंबंध निर्माण करण्यास भाग पाडले. परंतू त्यानंतर होणाऱ्या त्रासाला कंटाळून पिडीत तरुणीने प्रेमसंबंध ठेवण्यास नकार दिला. याचा राग आल्याने सागर याने दि.२७ सप्टेंबर रोजी सकाळी ११ वाजेच्या सुमारास पिडीतेस तू माझ्यासोबत प्रेमसंबंध ठेवले नाही, तर एक ते दिड महिण्यापूर्वी एका मुलीचा जसा खून झाला होता. जसाच्या ततसा तुझा करुन टाकेन. तसेच तूझे फोटो सोशल मिडायावर प्रसारीत तुझा मर्डर करुन तुझी बदनामी करुन टाकील अशी धमकी दिली. एवढेच नव्हे तर माझ्यावर प्रेम करावे व लग्न देखील करावे लागेल, असे बोलून पिडीतेच्या मनास लज्जा उत्पन्न होईल अशा प्रकारचे गैरकृत्य करुन चापटांनी मारहाण केली. याप्रकरणी गुन्हा दाखल करण्यात आला असून पुढील तपास सपोनि अजित सावळे हे करीत आहेत.
