जळगाव (प्रतिनिधी) शहरातील हरिविठ्ठल नगरात अज्ञात चोरटयांनी दुचाकी चोरून नेल्याची घटना उघडकीस आली आहे. याप्रकरणी अज्ञात चोरट्यांविरोधात रामानंद नगर पोलीस ठाण्यात तक्रार दाखल करण्यात आली आहे.
अधिक माहिती अशी की, भुषण बडगु सावंदे (वय-२१) रा. हरीविठ्ठल नगर, जळगाव हा आयटीआयचे शिक्षण घेणार विद्यार्थी आहे. महाविद्यालयात जाण्यासाठी त्याच्याकडे (एमएच १९ डीई ५७०५) क्रमांकाची दुचाकी आहे. २४ डिसेंबर रोजी दुचाकी घरासमोर पार्किंग करून लावली होती. मध्यरात्री २ वाजेच्या सुमारास दुचाकी जागेवर होती. आज २५ डिसेंबर रोजी सकाळी ६ वाजेच्या सुमारास दुचाकी आढळून आली नाही. परिसरात शोध घेवून दुचाकी मिळून न आल्याने रामानंद नगर पोलीसात धाव घेतली. भुषण सावंदे यांनी रामानंदनगर पोलीसात अज्ञात चोरट्यांविरोधात तक्रार दाखल केली आहे.