नागपूर (वृत्तसंस्था) रामटेक तालुक्यातील संग्रामपूर येथे एका अडीच वर्षीय मुलीचा करंट लागून मृत्यू झाला. श्रीयांशी गौरीशंकर मस्की, असे मृतक चिमुकलीचे नाव आहे.
श्रीयांशी आजी अनूबाई चौधरीकडे राहत असे तर गावालगत असलेल्या नवरगाव येथे आईवडील राहतात. १० सप्टेंबरला सायंकाळी ती अंगणात खेळत होती. घराच्या अंगणात इलेक्ट्रिक मोटरपंप असून, त्याला लोखंडी जाळी लावलेली होती. श्रीयांशी अंगणात दुर्देवी श्रीयांशी म्हस्के खेळताना मोटरपंपजवळ औत्सुक्यापोटी तिने त्या लोखंडी जाळीला स्पर्श केला आणि तिला जोरात विजेचा धक्का लागला. त्यामुळे ती लगेच बेशुद्ध पडली. तिला उपजिल्हा रुग्णालय रामटेक येथे दाखल केले असता डॉक्टरने तपासून मृत घोषित केले. वायरला रिटर्न करंट होता अशी चर्चा आहे.
