जळगाव (प्रतिनिधी) पाणीपुरवठामंत्री गुलाबराव पाटील सुपारीचोर आहेत. ते सामाजिक किंवा विधायक काम करू शकत नाही. अशा शब्दांत भाजपचे युवा नेते माजी खासदार नीलेश राणे यांनी गुलाबराव पाटील यांच्यावर निशाणा साधला आहे.
नीलेश राणे सोमवारी जळगावात आलेले होते. भाजपच्या जिल्हा कार्यालयात त्यांनी पत्रकार परिषद घेतली. यावेळी ते बोलत होते. नीलेश राणे पुढे म्हणाले की, जिल्ह्यात जी वाळू चोरी सुरू आहे, ते कलेक्शन गुलाबराव पाटील यांच्यासाठीच सुरू असेल. वाळू चोरीचे हफ्ते स्थानिक आमदार आणि मंत्र्यांकडे पुरवले जातात. गुलाबराव हे आधी पानटपरी चालवायचे. तेच ना गुलाबराव. इथे पालकमंत्री आहेत सुपारीचोर. ती व्यक्ती सामाजिक किंवा विधायक काम करू शकत नाही. आता गुलाबराव काय युनिव्हर्सिटी आणणार, ते वाळूच चोरणार. यातले सगळे कलेक्शन त्यांच्याकडे जात असणार, असा आरोपही निलेश राणे यांनी यावेळी केला.
