मुंबई (वृत्तसंस्था) राज्यात सत्ता यांची आणि घाबरतात आम्हाला, असं वक्तव्य करणार राज ठाकरे यांचा एक व्हिडिओ शेअर करत मनसेचे नेते संदीप देशापांडे यांनी ठाकरे सरकारला चिमटा काढला आहे.
मनसेप्रमुखे राज ठाकरे यांची औरंगाबादमध्ये १ मे ला सभा होणार आहे. या सभेसाठी मनसेकडून जय्यत तयारी सुरु आहे. कोणत्याही परिस्थितीत ही सभा होणार असल्याचे मनसे पदाधिकारी आणि नेत्यांनी सांगितले आहे. औरंगाबादसह सध्या राज्यात मशिदींवरील भोंग्यांचा मुद्दा चांगलाच पेटला आहे. दरम्यान, या पार्श्वभूमीवर औरांगाबादमध्ये कायदा आणि सुव्यवस्था राखण्यासाठी २६ एप्रिल ते ९ मे या काळात पोलिसांनी जमावबंदीचा आदेश काढला आहे. त्यामुळे ही सभा होणार का नाही अशी चर्चा सुरु आहे.
दरम्यान, मनसेचे नेते संदीप देशापांडे यांनी ट्विट करत ठाकरे सरकारला टोला लगावला आहे. राज्यात सत्ता यांची आणि घाबरतात आम्हाला, असं वक्तव्य करणार राज ठाकरे यांचा एक व्हिडिओ त्यांनी शेअर केला आहे. त्यामुळे अप्रत्यक्षरित्या त्यांनी राज्य सरकारला चिमटा काढला आहे. यात राज ठाकरे म्हणतात, सभा आहे म्हणून शिवसेनेनं सगळीकडे झेंडे लावायला सुरुवात केली. आत्मविश्वास नसला की असं होतं, राज्यात सत्ता यांची आणि घाबरतात आम्हाला, हा सगळा केविलवाणा प्रयोग असतो, असं म्हणत त्यांनी टोला लगावला आहे.
