चोपडा (प्रतिनिधी) दागिने पॉलिश करण्याच्या बहाण्याने ४ तोळ्यांचे दागिने लांबवल्याची घटना तालुक्यातील आखतवाडे गावी घडली आहे. या प्रकरणी दोन अज्ञात भामट्यांविरुद्ध शहर पोलिसात गुन्हा दाखल करण्यात आला आहे.
नेमकं काय घडलं ?
दि. २२ डिसेंबर रोजी रोजी दुपारी १२.३० ते १ वाजेच्या दरम्यान अखतावाडे गांवी भरत वना पाटील यांच्या घरी ४० ते ४५ वयोगटातील दोन अनोळखी व्यक्ती आलेत. त्यांनी भरत पाटील आणि त्यांच्या पत्नीला आमच्याकडे सोने व चांदीचे दागिने पॉलीश करण्याची पावडर आहे. त्या पावडरने सोने व चांदीचे दागिने चांगल्या प्रकारे पॉलीश होत असतात, असे सांगून विश्वास संपादन केला. त्यांच्या बोलण्यावर विश्वास ठेवत भरत पाटील यांच्या पत्नीने त्यांच्या हातातील हातातील १ लाख ६० हजार रुपये किमंतीच्या ४ तोळे वजानाच्या सोन्याच्या बांगड्या दोघं भामट्यांच्या ताब्यात दिले. या नंतर त्यांनी सोन्याच्या बांगड्या हया पॉलीश करुन देतो असे सांगून हातचालाकी करुन सदरच्या बांगड्या मोटार सायकलवरून पळ काढत लंपास केल्यात. या प्रकरणी चोपडा शहर पोलिसात दोघं अज्ञात भामट्यांविरुद्ध गुन्हा दाखल करण्यात आला असून पुढील तपास पो.ना. प्रशांत वाडीले हे करीत आहेत.
ही खबरदारी घ्या
अनोळखी व्यक्तींकडून दागिने पॉलिश करण्याचा बहाणा केला तर पोलिस नियंत्रण कक्षाला तत्काळ माहिती द्या. कुठल्याही अनोळखी व्यक्तींना घरात घेवू नका. विशेषतः महिला एकट्या घरात असताना ही खबरदारी घ्यायला सांगा. दागिने पॉलिश करायचेच असतील तर ओळखीच्याच व्यक्तींकडून करून घ्या. स्वस्तात दागिने पॉलिश करण्याचा बहाण्यामुळे, लोभाला बळी पडू नका.
