धरणगाव (प्रतिनिधी) बसमध्ये प्रवासादरम्यान महिलेच्या गळ्यातील पोत लांबविल्याची घटना समोर आली आहे. याप्रकरणी महिलेने दिलेल्या तक्रारीनुसार धरणगाव पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे.
याबाबत अधिक माहिती अशी की, धरणगाव तालुक्यातील चमगाव येथे रंजनाबाई शिवाजी सावंत (वय 47) या त्यांच्या कुटुंबासह वास्तव्यास आहे. दिनांक 18 एप्रिल 2025 रोजी धरणगाव ते गंगापुरी दरम्यान एस.टी बसमध्ये चमगाव जात असतांना कोणीतरी अज्ञात चोरट्याने त्यांची ६५००० रु किमतीची १८ ग्रॅम वजनाची सोन्याची मंगळपोत गळ्यातून न कळत चोरी करुन नेली. याप्रकरणी धरणगाव पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे. तसेच पुढील तपास पोलीस सेट कॉन्स्टेबल प्रदीप पवार हे करीत आहेत.
