जळगाव (प्रतिनिधी) लग्नाचे अमिष दाखवून बोदवड तालुक्यातील 20 वर्षीय तरुणीवर अत्याचार करण्यात आला. ही घटना नोव्हेंबर २०२४ ते मे २०२५ या दरम्यान जळगावातील एका हॉटेलमध्ये घडली. या प्रकरणी गौरव मुकुंद साठे (रा. बोदवड) याच्याविरुद्ध रामानंद नगर पोलिस ठाण्यात गुन्हा दाखल करण्यात येऊन त्याला अटक करण्यात आले.
शहरातील महाविद्यालयीन शिक्षण घेणाऱ्या एका तरुणीशी गौरव साठे याची ओळख झाली. त्यानंतर त्याने तरुणीला जळगावातील एका हॉटेलमध्ये आणून तिला लग्नाचे अमिष दाखवत तिच्यावर अत्याचार केला. हा प्रकार सहन झाल्याने तरुणीने रामानंद नगर पोलिस ठाण्यात फिर्याद दिली. त्यावरून गौरव साठे याच्याविरुद्ध गुन्हा दाखल करण्यात आला. त्याला अटक करण्यात आले असून पुढील तपास पोउनि प्रदीप बोरुडे करीत आहेत.
