मुंबई (वृत्तसंस्था) बॉलिवूड अभिनेता सुशांत सिंह राजपूत आत्महत्या प्रकरणी जोडूनच समोर आलेल्या ड्रग्ज कनेक्शनमध्ये आता अभिनेत्री दीपिका पदुकोणचे नाव समोर आले आहे. दीपिका पदुकोणचे एक मोबाइल चॅट समोर आले आहे. यात दीपिका ड्रग्स संदर्भात बोलत असल्याची माहिती हाती आली आहे. या प्रकरणी चौकशीसाठी लवकरच दीपिकाला समन्स बजावले जाण्याची शक्यता आहे.
अभिनेत्री सारा अली खान आणि श्रद्धा कपूरला चौकशीसाठी एनसीबीकडून समन्स पाठवण्यात येणार आहे. त्यामागोमागच आता आणखी एक नवं नाव जोडलं गेलं आहे. हे नाव आहे, अभिनेत्री दीपिका पदुकोण हिची मॅनेजर करिष्मा प्रकाश. Deepika दीपिका आणि तिची मॅनेजर करिष्मा प्रकाश यांचा एक चॅट सध्या व्हायरल होत आहे. हे चॅट जवळपास तीन वर्षे जुने असल्याचे म्हटले जात आहे. रिया चक्रवर्ती हिला अटक झाल्यानंतर बॉलिवूड ड्रग्स केसमध्ये हळू हळू अनेक दिग्गजांची नावं समोर येत आहेत. सारा अली खान, रकुलप्रीत सिंग आणि श्रद्धा कपूर यांच्या पाठोपाठ आता दीपिकालाही एनसीबी चौकशीसाठी बोलावण्याची शक्यता आहे.
