जळगाव (प्रतिनिधी) एका महिलेकडे शरीरसुखाची मागणी करणा-या तरुणाविरुद्ध एमआयडीसी पोलिस स्टेशनला विनयभंगाचा गुन्हा दाखल करण्यात आला आहे. सईद खाटीक (पूर्ण नाव माहित नाही) असे गुन्हा दाखल करण्यात आलेल्या तरुणाचे नाव आहे.
या संदर्भात अधिक असे की, सईद खाटीक या इसमाचे चिकन विक्रीचे दुकान आहे. त्याने एका महिलेला आपल्या दुकानावर बोलावले. यानंतर तुझ्याकडे सेटींग लावायची आहे. ‘कुछ भी करके मेरी सेटींग लगानी पडेगी’, असे म्हणत त्याने पिडीत महिलेकडे शरीरसुखाची मागणी करत तिचा विनयभंग केला. याप्रकरणी महिलेने एमआयडीसी पोलिस स्टेशनला सईद खाटीक याच्याविरुद्ध विनयभंगाचा 354 (अ) नुसार गुन्हा दाखल केला आहे. गुन्ह्याचा पुढील तपास पोलिस उप निरीक्षक दिपक जगदाळे हे करत आहेत.
