जळगाव (प्रतिनिधी) वन्यजीव संरक्षण संस्थेतर्फे महिना भराच्या सर्वेक्षणाअंती मनुदेवी परिसरात महाराष्ट्राचे राज्य फुलपाखरू ‘ब्लू मॉर्मोन’सह तब्बल १०७ प्रजातींची नोंद करण्यात आली आहे. बिग बटरफ्लाय मंथच्या पार्श्वभूमीवर वन्यजीव संरक्षण संस्थेतर्फे फुलपाखरू छायाचित्रण आणि नोंदणी अभियानास सुरवात करण्यात आली होती.
मनुदेवी परिसरात ग्राम ब्ल्यू, इमिग्रंट, कॉमन ग्रास यल्लो, कॉमन रोज, कॉमन गल, येल्लो- ऑरेंज टिप, कॉमन सेलर, ब्राऊन आऊल, प्लेन टायगर, कॉमन व्यांडरर, लाईम, ब्ल्यू बॉटल, कॉमन मोर्मोन, लेसर ग्रास ब्ल्यू, स्विफ्ट सारखी वेगाने उडणारी फुलपाखरांपासुन ते अलगद उघड्यावर बागडणाऱ्या प्लेन टायगर फुलपाखरू, दाट झाडीत बसणारे, तपकिरी रंगछटा असलेले आणि भुर्र करून उडून गायब होणारे बुश हॉपर, दाट झाडीत बसणारे, तपकिरी रंगछटा असलेले आणि भुर्र करून उडून गायब होणारे बुश हॉपर, एकसुरी तपकिरी रंग असणाऱ्या ब्राऊन आवुल, भडक लाल ठिपके आणि पोट असणाऱ्या क्रिमसन रोज, रंगबिरंगी कमांडर , निळा रंग ल्यायलेल्या ब्ल्यू प्यांसी, प्लेन टायगर, स्मॉल ग्रास ज्वेल सारख्या १ ते १.५ सेमी एवढ्या अकराच्या भारतातील सर्वात लहान फुलपाखरा पासुन ते मोठ्या माणसांच्या तळहात सहज व्यापेल येवढ्या ब्ल्यू मॉरमोन सारख्या मोठ्या फुलपाखराच्या प्रजाती आढळून आल्याचे वन्यजीव संरक्षण संस्थेतर्फे सांगण्यात आले आहे.
सातपुड्यात यावल पश्चिम वनक्षेत्रात वनस्पती विविधता असल्याने फुलपाखरांच्या अनेक प्रजाती आढळून येत आहेत असे संस्थेच्या निरीक्षणात समोर आले आहे. दरम्यान, सर्वसामान्य जनता आणि विद्यार्थ्यांसाठी ५ तारखे पासून ऑनलाईन वेबिनार आणि स्पर्धा घेण्यात येणार आहे, असे संस्था अध्यक्ष रवींद्र फालक यांनी कालीले आहे. या सर्वेक्षणात संस्थेचे अध्यक्ष रवींद्र फालक, राहुल सोनवणे, अमन गुजर,योगेश गालफाडे, रवींद्र सोनवणे,सुरेंद्र नारखेडे, सतीश कांबळे, चेतन भावसार, अभिषेक ठाकूर, गौरव शिंदे, जगदीश बैरागी,बाळकृष्ण देवरे, प्रसाद सोनवणे यांनी सहभाग नोंदवला
