जळगाव (प्रतिनिधी) शहरातील सिंधी कॉलनी जवळ आढळून आलेल्या मृतदेहाची ओळख पटविण्याचे आवाहन एमआयडीसी पोलिसांनी केले आहे.
एमआयडीसी पोलिसांनी काढलेल्या प्रसिद्धी पत्रकात म्हटले आहे की, शहरातील सिंधी कॉलनी जवळ (सोमवार दि.२८) रोजी एका साधारण ४५ वर्षीय व्यक्तीचा मृतदेह आढळून आला होता. त्यांनतर हा मृतदेह जिल्हा रुग्णालयात पाठविण्यात आल आहे. मयताच्या अंगात काळ्या-पांढऱ्या रंगाचे प्रिंटेड शर्ट, राखाडी रंगाची फुल पॅन्ट, डाव्या हातावर नरेंद्र सूज व उजव्या हातावर सुशीला नंदन असे गोंदलेले आहे. दाढी-मिशी वाढलेली असून रंग काळासावळा आहे. मृतदेहाची ओळख पटल्यास एमआयडीसी पोलीस स्थानकात संपर्क साधण्याचे आवाहन पोलीस उप-निरीक्षक विशाल वाठोरे यांनी केले आहे.
