जळगाव (प्रतिनिधी) अज्ञात वाहनाच्या धडकेत ममुराबाद येथील एक जण जागीच ठार झाल्याची घटना कानळदा-ममुराबाद रस्त्यावर शनिवारी रात्री घडली आहे.
ममुराबाद येथील रईस हबीब शहा फकीर (वय-३८) हे भंगार जमा करण्याच्या व्यवसाय करतात. शनिवारी नेमही प्रमाणे दिवसभर व्यवसाय करून कानळदा येथून ते घरी परत येत होते. रात्री ९ वाजेच्या सुमारास कानळदा-ममुराबाद रस्त्यावर त्यांना अज्ञात वाहनाने धडक दिली. या अपघातात त्यांचा जागीच मृत्यू झाला. मृतदेह शवविच्छेदनासाठी करण्यासाठी जिल्हा शासकीय वैद्यकीय महाविद्यालयात आणण्यात आला आहे. तालुका पोलिस ठाण्यात अकस्मात मृत्यूची नोंद करण्यात आली आहे. प्राथमिक तपास पो.कॉ. ईश्वर लोखंडे करीत आहे.
