जळगाव (प्रतिनिधी) – जळगाव बॉक्स क्रिकेट लीग (JBCL) स्पर्धेचा अंतिम सामना अत्यंत उत्साहपूर्ण वातावरणात पार पडला. या रोमांचक स्पर्धेत IT DigiTech Solutions संघाने उत्कृष्ट सांघिक कामगिरी करत JBCL विजेतेपद पटकावले.
IT DigiTech Solutions संघाचे मालक अक्षय पाटील यांच्या मार्गदर्शनाखाली आणि कर्णधार मिहिर अडवाणी यांच्या सक्षम नेतृत्वाखाली IT DigiTech Solutions संघाने शानदार खेळाचे प्रदर्शन करत अंतिम सामना जिंकून विजेतेपदावर आपले नाव कोरले.
स्पर्धेतील विजेत्या संघासाठी आकर्षक बक्षिसांची व्यवस्था करण्यात आली होती. प्रथम क्रमांक पटकावणाऱ्या IT DigiTech Solutions संघाला रोख ₹25,555 तसेच इलेक्ट्रिक स्कूटी देऊन गौरविण्यात आले. उपविजेत्या ZACC भुसावळ संघाला ₹15,555 रोख व टीव्ही, तर तृतीय क्रमांक पटकावणाऱ्या Royal Mobile संघाला ₹7,555 रोख व सायकल देऊन सन्मानित करण्यात आले.
स्पर्धेत ZACC भुसावळ संघाने उपविजेतेपद मिळवले. या संघाचे मालक एम. डी. झाहिद तर कर्णधार मयूर कोळी होते. तसेच तिसऱ्या क्रमांकावर Royal Mobile संघाने स्थान मिळवले. या संघाचे मालक शिबान बागवान आणि कर्णधार आयुष मदानी यांनी संघाचे उत्कृष्ट नेतृत्व केले.
स्पर्धेतील वैयक्तिक पुरस्कारांमध्ये मयूर कोळी यांना मालिका वीर (Man of the Series) म्हणून गौरविण्यात आले. शाहरुख पटेल यांनी सर्वोत्कृष्ट फलंदाज, लक्ष विश्राणी यांनी सर्वोत्कृष्ट गोलंदाज, तर साहिल पाटील यांनी सर्वोत्कृष्ट क्षेत्ररक्षक हा पुरस्कार पटकावला.
स्पर्धेच्या यशस्वी आयोजनासाठी सर्व स्पॉन्सर्स, संघमालक, खेळाडू, कर्णधार, आयोजक आणि उपस्थित मान्यवरांचे विशेष सहकार्य लाभले. अंतिम सामन्याच्या वेळी सर्व संघांचे मालक, स्पॉन्सर्स व क्रिकेटप्रेमी मोठ्या संख्येने उपस्थित होते.
स्पर्धा यशस्वी करण्यासाठी प्रत्यक्ष व अप्रत्यक्ष सहकार्य करणाऱ्या सर्वांचे JBCL परिवारातर्फे मनःपूर्वक आभार व्यक्त करण्यात आले. खेळाडूंनी दाखवलेला उत्साह, क्रीडाभावना आणि प्रेक्षकांचा मिळालेला प्रतिसाद यामुळे ही स्पर्धा अत्यंत यशस्वी ठरली.
