धरणगाव (प्रतिनिधी) तालुक्यातील अनोरे येथील बी.जे. महाजन माध्यमिक विद्यालयात मुन्नादेवी व मंगलादेवी मल्टीपर्पज फाउंडेशन उपक्रमाअंतर्गत गरजू विद्यार्थ्यांना मोफत शालेय साहित्याचे नुकतेच वाटप करण्यात आले.
यावेळी संस्थेचे अध्यक्ष रमेश महाजन, मुन्ना देवी मंगलादेवी मल्टीपर्पज फाऊंडेशनचे अध्यक्ष जीवन बयस, सचिव मुकेश बयस,जितेंद्र बयस,प्रवीण पाटील,विद्यालयाचे सचिव काशीनाथ मिस्तरी, संचालक जगन्नाथ महाजन, यांच्या हस्ते विद्यालयातील गरजू विद्यार्थ्यांना शालेय साहित्याचे वाटप करण्यात आले.
यावेळी संस्थेचे अध्यक्ष रमेश महाजन व जितेंद्र बयस यांनी विद्यार्थ्यांना मनोगत व्यक्त केले. मुख्याध्याप एम.एच. चौधरी, ए.के. पाटील,आर.बी. महाले,किरण महाजन,बी.डी. सुतार,पी.एन. माळी यांच्यासह शिक्षक व शिक्षकेतर कर्मचारी उपस्थित होते.
कार्यक्रमाचे सूत्रसंचालन बी.आर. महाजन तर आभार कल्पेश महाजन यांनी मानले. कार्यक्रमाच्या यशस्वीतेसाठी शिक्षकेतर कर्मचारी यांनी परिश्रम घेतले.
