नवी दिल्ली (वृत्तसंस्था) भाजपच्या ज्येष्ठ नेत्या आणि मध्य प्रदेशच्या माजी मुख्यमंत्री उमा भारती यांना कोरोनाची लागण झाली आहे.
उमा भारती यांनी ट्वीट करुन कोरोना झाल्याची तसेच स्वतःला उत्तराखंडमध्येच क्वारंटाइन करुन घेतले असल्याची माहिती दिली. तसेच उमा भारती यांनी मागील दोन आठवड्यात त्यांच्या संपर्कात आलेल्यांना स्वतःची कोरोना चाचणी करुन घेण्याचे आवाहन केले आहे. उत्तराखंडमध्ये यात्रा करत असताना त्यांना कोरोना झाला. मागील दोन तीन दिवसांपासून ताप येत असल्यामुळे खबरदारीचा उपाय म्हणून उमा भारती यांनी कोरोना चाचणी करुन घेण्याचा निर्णय घेतला. ही चाचणी पॉझिटिव्ह येताच त्यांनी क्वारंटाइन होऊन वैद्यकीय उपचार घ्यायला सुरुवात केली आहे.
