मुंबई (वृत्तसंस्था) भाजपला रामराम ठोकणारे ज्येष्ठ नेते एकनाथराव खडसे यांचा राष्ट्रवादीत प्रवेश सोहळा सुरु आहे. यावेळी प्रदेशाध्यक्ष जयंत पाटील यांनी एकनाथराव खडसे यांना उद्देशून टायगर अभी जिंदा हैं आणि पिक्चर अभी बाकी हैं, सूचक वक्तव्य करून खडसेंचे राष्ट्रवादीत स्वागत केले.
जयंत पाटील पुढे म्हणाले की. खडसेसाहेबांवर अन्याय झाला, कटकारस्थानं रचली गेली असतील. खडसेंच्या अन्यायबाबत सर्वाधिक मीच बोललो असेल. मी सभागृहात प्रश्न विचारला होता, कटप्पाने बाहुबलीने का मारलं, याचं उत्तर आजही मिळालं नाही, पण त्यांना आता कळलं असेल टायगर अभी जिंदा है, असे श्री. पाटील म्हणाले. दरम्यान, राष्ट्रवादी काँग्रेसच्या कार्यालयात जय्यत तयारी. सभागृहात फक्त ५० लोकांना प्रवेश दिला गेला. कोरोनाच्या पार्श्वभूमीवर सर्व खबरदारी घेतली जात आहे. खडसे यांच्यासह अन्य काही समर्थकांचाही होणार प्रवेश होत आहे. थोड्याच वेळात होणार प्रवेश सोहळा. राष्ट्रवादी काँग्रेसचे अध्यक्ष शरद पवार उपस्थित हा सोहळा सुरु आहे. एकनाथ खडसे यांनी पक्ष सोडल्यानंतर अनेक समीकरण बदलताना पाहायला मिळत आहेत. भाजप नेते एकनाथ खडसे यांचा आज राष्ट्रवादी काँग्रेस पक्षात प्रवेश होत आहे. त्यांची कन्या रोहिणी खडसे यदेखील मुंबईत उपस्थित राहणार आहेत. तर एकनाथ खडसे यांच्या घराबाहेर कार्यकर्त्यांची तुफान गर्दी पाहायला मिळाली.
