पाळधी.ता, धरणगाव (प्रतिनिधी) येथील सागर कॉलनी परिसरातील रहिवाशी तथा राष्ट्रवादी काँग्रेस पार्टीचे सामाजिक न्याय विभागाचे जिल्हाध्यक्ष अरविंद मानकरी यांच्या कुटुंबातील सर्व सदस्यांनी कोरोनावर मात केली आहे. पालकमंत्री ना.गुलाबराव पाटील यांनी मानकरी परिवाराचे कौतुक केले आहे.
दिनांक 1 सप्टेंबर रोजी मानकरी परिवारातील वडील,आई,पत्नी,मुलगी,यांना कोरोनाची बाधा झालेली होती सौम्य लक्षणे असल्याकारणाने त्यांनी घरीच विलगिकरणात राहण्याचा निर्णय घेतला त्यानंतर आज दिनांक 14 रोजी कोरोनावर मात केली असून आज त्यांच्या निवास्थानी जिल्ह्याचे पालकमंत्री ना.गुलाबराव पाटील यांनी अरविंद मानकरी यांचे वडील भिमराव मानकरी यासह कुटुंबियांचा कोरोनावर मात केल्याबद्दल सत्कार केला. यावेळी पाळधी खुर्द चे उपसरपंच अनिल भैय्या कासट, पत्रकार गोपाळ सोनवणे,माळी साम्राज्य संपादक भूषण महाजन सामाजिक कार्यकर्ते दीपक साळवे, सामाजिक कार्यकर्ते दिगंबर माळी,प्रवीण मानकरी,नाना बोरिंग, नितीन माळी, बंडू पाटील, संजय कुंभार रमेश कुंभार, अनिल महाजन,आदी उपस्थित होते.
